நிலைத்து நிற்பேனே!*/க நா சு

ஒட்டாத இடத்திலே இலக்கு வைத்துப்
போகாத இடங்களில் பேயும் வந்தும்
தொடாத ஸ்தானங்களைத் தொட்டுக்காட்டி
வார்த்தைகளில் சொல்ல முடியாத சொல்லைச் சொல்லி முடித்து
மனத்தில் வாங்க முடியாததை வாங்க வைத்து
ஓடாத பந்தயம் ஓடிவந்து
முடிவில்லாத பாதைகளை முடித்து வைத்துத்
தீராத பிரச்சனைகளைத் தீர்க்க முயன்று
தோல்விகள் காணாத அளவில் வெற்றிகண்டு
இது வெற்றியா தோல்வியா என்று தீர்மானிக்க இயலாமல்
இரண்டுமல்ல ஒன்றுமல்ல மூன்றுமல்ல
நாலும் வந்தும் வெறும் நூறும் என்று முடிவுகட்டி
திருமூலரில் துன்பம் தேடி விழுவாழ்வு நாடி
பொற்பதக் கூந்தல் பொறியிழந்து கலங்கி
நாற்பதம் தரும் நல் குறைகள் நீங்கி
தீம்தாம்தூம் என்று கூத்தாடி
கள்வெறி மண்டைக்கேற போதைக்கிறக்கம் ஆளைத்தள்ள
ஒரே நொடியில் எட்டடி எடுத்துவைத்து
பத்தடிப் பின் வாங்கி இலக்குத் தாண்டி
இலக்குத்தேடி பூர்ணம் நாடி பூர்ணம் பெற்று
நின்ற இடத்தில் வேர்விட்டு நிலைத்து நிற்பேனே!
(23.10.1988)