என்னை பிரியாமல்
சுற்றி வருபவை
என் நிழலும்
என் சிம்மி நாய்குட்டியும் தான்
அவைகளை பிரியமல் சுற்றி வருபவை
என் நினைவுகள்
என் நினைவுகள் என் நிஜங்களின்
நிழல்கள்
என் நினைவாகாத நிஜங்கள்
சங்குப் பூனையின் அடிவயிற்றில்
அடர்ந்த மென் ரோமங்களுக்கு இடையில்
வெள்ளைத் தழும்புகளாக மறைந்திருக்கின்றன
மறைந்திருக்கும் தழும்புகளுக்கு நிழல்கள் இல்லையென்பதால்
ஆறாத புண்களாகவும் இருக்கின்றன
நள்ளிரவில் பிரேதம் போல் வெளுத்துக் கிடக்கும்
அந்த மங்கிய நிலவின் மூர்ச்சையுற்ற
ஒளியில்
ஆறாத புண்களின் நிழலாகி இருக்கும்
என் விழிகள்
மிக்க நன்றி