இரு கவிதைகள்/ந.பானுமதி

(07.10.2022 அன்று 90 வது விருட்சம் கவிதை நேசிக்கும்
நிகழ்வில் வாசித்த கவிதை )

1. முந்துதல்

திரை போட்டுவிட்டார்கள்
அடடா, சற்று முந்தி வந்திருக்கலாமே
என்றார் அவர்.
முந்தி ப் பழக்கமில்லை
என்றவுடன் ஏனோ முறைத்தார்.
முணுமுணுவென்று சொல்லிக்கொண்டே
எங்கோ போனார்
அதிலும் நான் பிந்தியவன் தான்.

2. கைவிடல்

இன்று ஒரு கச்சேரிக்குப் போக வேண்டும்
அந்தத் தோற்றத்திற்கான உடுப்பை நீவ
கடைக்கு எடுத்துச் சென்றால்
அன்று விடுமுறையா ம்
கையால் இழுத்து மடித்து போட்டுக் கொண்டு
போனால்
பாடகர் குரலும் சுருதியுடன் மல்லாடியது