—
தமிழில்: எம்.டி.முத்துக்குமாரசாமி
—-
ஓஹ், தாய்ப்பாலின் மணம் அடர்ந்திருக்கும்
அந்த அறையில் நான் மீண்டும்
அழ விரும்புகிறேன்.
எனது நாட்டில்
ஒரு குழந்தை பிறந்த உடனேயே
அதற்கு ஒரு வயது.
சில நாடுகளில்
குழந்தைக்கு ஒரு வயது
அது பிறந்து ஒரு வருடம்
ஆன பின்னரே.
எனது நாட்டில்
ஒரு குழந்தை தாயின் உடலினுள் இருக்கும்போதே,
அது பிறப்பதற்கு முன்பாகவே
அது இந்த உலகில்
முழு வாழ்க்கையை ஆரம்பித்துவிடுகிறது.
எனது வயதைக் கேட்கிறீர்களா?
எனக்கு இருபது வயது.
வேறு நாடுகளில் எனக்கு இன்னும் பத்தொன்பது வயது.
மஞ்சள் கடலில் சூரியன் அஸ்தமித்த மறு நாள்
சோங்க்சீக்ஜோங்கில் கிழக்கு கடலில் சூரியன் உதித்தது
எனக்கு பத்தொன்பது வயது
எனது நாட்டில் எனக்கு இருபது வயது.
இந்தக் கணத்தில், பாஸ்ராவில், இராக்கில்
யுரேனிய குண்டுகள் இன்னும் மழையாகப்
பொழிந்துகொண்டிருக்கின்றன,
ஒரு இரண்டு வயது குழந்தை இறந்துவிட்டது
அது ஒரு கனத்த புருவங்களுடைய
இருபது வயது பெண்ணாகியிருக்கக் கூடும்.
ஒரு வருடமாகிய புதியதாய்ப் பிறந்த பையன்
நெடிய வார் அணிந்த பத்தொன்பது வயது இளைஞனாக
வளர்ந்திருக்கக்கூடியவன்.
இப்போது இறந்துகொண்டிருக்கிறான்.
பலமாக இடிக்கும் இதயத்தை உடைய
எனக்கு இருபது வயது
—-