1) குணம்
ஒரு சிரட்டையில்
பூனைக்கு பால் வைத்தேன்!
பூனை எலி பிடிக்க
சென்று விட்டது!
அங்கும் இங்கும்
பதறி ஓடிய எலி
பாலை உருட்டிவிட்டது!
துரத்திச் சோர்ந்த பூனை
தரையில் சிந்திய பாலை
அவசர அவசரமாய்
நக்கிக் குடித்தது!
09-05-2024
*
2) இரைத் தோற்றம்
கூர் பார்வையில் பட்ட
இரைக்காக
விண்ணிலிருந்து
விருட்டென்று
கீழிறங்கிய பறவை
இரையால் விரித்த
வலையில் சிக்கி
தன் வானத்தை
இழந்தது!
இனி
இரை கிட்டினால் என்ன!
கிட்டாவிட்டால் என்ன!
09-05-2024