விடியலிலேயே எழுந்துவிடுகிறேன்
தினமும் ஷேவ் செய்கிறேன்
மடிப்பு கலையாமல் உடை உடுத்துகிறேன்
அவசர அவசரமாக சாப்பிடுகிறேன்
கண்ணாடி முன்பு அதிகநேரம் நிற்கிறேன்
ஏதோவொரு பாடலை ஹம்மிங் செய்கிறேன்
விழித்துக்கொண்டே கனவு காண்கிறேன்
உறக்கமில்லாமல் புரண்டு படுக்கிறேன்
தனக்குத் தானே சிரித்துக் கொள்கிறேன்
புத்தகத்தின் நடுவே மயிலிறகு வளர்க்கிறேன்
அடிக்கடி மணி பார்க்கிறேன்
கந்தசஷ்டி கவசம் படிக்கிறேன்
நெற்றியில் விபூதி இடுகிறேன்
எனக்குள் பேசிக் கொள்கிறேன்
வேறொன்றுமில்லை
இனிப்பு எடுத்துக் கொள்ளுங்கள்
எனக்கு காதல் பிறந்திருக்கிறது!