15.11.2024 – வெள்ளிக்கிழமை
ஆசிரியர் பக்கம்
மூவரும் சம்பிரதாய வணக்கங்களைத் தெரிவித்துக் கொண்டபின் அவர்கள் அமர்ந்து கொண்டு பேசுகிறார்கள்
மோகினி: வணக்கம்.
அழகியசிங்கர் : வணக்கம்.
ஜெகன் : வணக்கம்
அழகியசிங்கர் : வணக்கம்
மோகினி : .இன்று கவிதைகள் வாசிப்புக் கூட்டம் எப்படிப் போயிற்று.
அழகியசிங்கர் : கவிதைகள் படிக்க யாரும் தயாராய் இல்லை.
மோகினி : மாதம் மூன்றாவது வெள்ளிக்கிழமைதான் நீங்கள் கூட்டம் நடத்துகிறீர்கள்.
அழகியசிங்கர் : ஆமாம். ஆனால் யாருக்கும் விருப்பமில்லை போல் தோன்றுகிறது. அல்லது ஒவ்வொருவருக்கும் தவிர்க்க முடியாத காரணம் இருக்கும்.
ஜெகன் : நீங்கள் நிறுத்திவிடலாமென்று பார்க்கிறீர்களா?
அழகியசிங்கர் : யோசித்துக் கொண்டிருக்கிறேன். அதை எப்படிச் சரிசெய்வதென்று. யாருக்கும் தங்களுடைய கவிதைகளை மட்டும் வாசிக்க விரும்பவில்லை.
ஜெகன் : கவிதைப்புத்தகம் அச்சானால் விற்பதில்லை. கவிதை வாசிக்கவும் யாரும் வர விரும்பவில்லை. என்ன செய்வது?
அழகியசிங்கர் : ஒன்றும் செய்ய முடியாது. நான் தொடர்ந்து கவிதைகளைக் குறித்து யோசித்த வண்ணமாகத்தான் இருக்கிறேன்.
மோகினி : கடைசியில் நீங்கள் ஒருவர்தான் உங்கள் கவி அரங்கத்திற்கு வருவீர்கள் என்று நினைக்கிறேன்.
அழகியசிங்கர் : ஆமாம் அந்த நாளை ஆவலுடன் எதிர்பார்க்கிறேன்.
மோகினி : இன்று பேசியது போதும். இத்துடன் முடித்துக் கொள்ளலாமா?
ஜெகன் : இரவு 11.08 ஆகப் போகிறது. முடித்துக் கொள்ளலாம்.
அழகியசிங்கர். முடித்துக் கொள்ளலாம்.
(பதிவான நேரம் : இரவு 11.06)