ஐங்குறு கவிதை/பானுமதி

1

வினாடிகள் இரைச்சலாய்க்
கடந்து செல்ல மெது மெதுவே
மணி ஊர்கிறது நேரமாய்.

2

ஒளிரும் பால் நிலா
மோனத்தில் ஒற்றைப் பாறை
காற்றிசைக்கும் காடு

3

உன்னைக் கவ்வினேன் என்றது இரவு
உன்னைத் துப்பினேன் என்றது பகல்
உறக்கத்தில் இன்னமும் கடவுள்.

4

இதுதான் சரி என்றான் அவன்
அதுதான் சரி என்றாள் அவள்
சரிதான், சரிதான் என்றது குழந்தை

5

கொள்ளையாய்ப் பூத்திருக்கிறேன்
பறித்துக் கொள் கொஞ்சமாக
மொட்டுக்களை மட்டுமாவது விட்டுவிட்டு.