சுலபமில்லை/லக்ஷ்மி மணிவண்ணன்

1

காலையிலேயே சிடுசிடுக்கத்
தொடங்குபவள்
அரக்கி

2

நிராகரிப்புகளின் பேரில் எல்லாம் பேராசை
கொண்டவள்
வல்லரக்கி

3

மூத்த விதவைக்குள்
அரக்கியும் ,வல்லரக்கியும்
போரிட்டுக் கொண்டே இருக்கிறார்கள்

4

பெண் என்பது
நான்காயிரம் பண்புகள்
தாய்மை அதில் ஒன்று
பேய்மை அதில் ஒன்று

5

பெண் எப்படியிருந்தாலும்
தெய்வம்
ஆணுக்கு
அப்படி சுலபமில்லை

6

அரக்கியின் இரவுகள்
உறங்கா கதைகள் நிரம்பியவை

7

வல்லரக்கி நிராகரிப்புகளை
கொலை செய்ய
நினைக்கிறாள்

8

ஒருபொழுதின் அரக்கி
மறுபொழுதில்
தாயாகி நிற்றலால்
அவள்
பேயாக இருந்தாலும்
பெருந்தெய்வமே