சுரேஷ் ராஜகோபால் கவிதைகள்

(“கவிதை வாசிக்கலாம் வாங்க” நிகழ்ச்சியில் படித்த எனது கவிதைகள்)

வேப்பமர நிழல்

என்வீட்டு வேப்பமர நிழலில்
நான் நாற்காலியில் அமர்ந்திருந்தேன்
நன்றாகக் காற்று வீசவே
சுகமாக இருந்தேன்
நேர்மேலே தண்ணீர்த் தொட்டி
மோட்டார் போட்டு நீர் நிரம்பக்
காத்திருந்தேன் : நிரம்பியதால்
நீர் வெளியே கொட்ட
மரமும் லேசாக நனைந்தது
என்மீதும் தெளித்தது
மரத்தின் மீதிருந்த
காக்கைகள் வெகு வேகமாகச்
சிறகடித்து எங்கோ பறந்தன.

என்பா 1

குளிர் காலம் கடந்து போனது
வசந்த காலம் வாழ்வு இனிக்கும்
வேனில் காலம் வெப்பமாகத் தொடங்கும்
தமிழ்ப் புத்தாண்டே வருக

என்பா 2

தமிழ் மொழியோ தொன்மை மிகுந்தது
தமிழில் இனிய சொல் இனிமை
தமிழே கதியென்றால் வந்திடும் கவிதை
தமிழ்ப் புத்தாண்டே வருக.