ஒரு வார்த்தை /மதுவந்தி

     மெய்நிகர் கூட்டத்தில் 
               எவரோ கேட்டார்,
               எதைச் சொல்வீர் 
               இந்த நூற்றாண்டின்
               வார்த்தையென?
               கரை புரண்டோடும் 
               வெள்ளமாய் எல்லாவற்றையும் 
               இழுத்துச் செல்லும் 
               இந்த வாழ்க்கை. 
               ஒதுங்க ஒரு மரக்கிளை 
               கிடைத்தாலும் போதுமென 
               இளைப்பாறத் துடிக்கிற மனசு. 
               இரு வார்த்தைகள் தோன்றுகின்றன. 
               “ தவிர்க்கவியலாதபடி ..”
               “ என்ன செய்ய ? “. 
                ஒரு வார்த்தை தேர்வு 
                செய்யச் சொன்னால்,
                தவிர்க்கவியலாதபடி முன் வைக்கிறேன்,
                “ என்ன செய்ய ? “.
                                          - -    19.11.21