ஒவ்வொரு நாளும்
விநாடி முட்களற்ற கைக்கடிகாரத்தில்
நிமிடம் சுட்டும் கரம்
அடுத்த நிமிடத்திற்குள் நகர்வதை பார்த்துவிடலாமென்று இருக்கும்போது
விநாடி முள் இருக்கும் ஞாபகம் வருகிறது
சதா நகர்ந்து கொண்டே இருந்தாலும்
நொடிகளுக்கிடையில் உள்ள நுண்வெளியைக் காண
நினைத்து முன்னதை தவரவிட்டுவிடுவதாகிறது
சுவர்கடிகாரத்தின் அருகில் இருக்கும் பல்லியும் அதனருகே
பறந்து கொண்டிருக்கும் பூச்சியொன்றிலேயே அதன் கவனம் ஊன்றியிருக்கிறது
தெரிந்தவர்களின் விசாரிப்பு சொற்களைக் காட்டிலும்
முதன்முறையாக எதிர்படும் ஒருவரது
பிறழ் அடையாளத்தினூடே முகிழும்
இருபத்து நான்கு மணிநேரத்தின்
அத்துணையும்.