முதல்/அதிரன்

எட்டி எட்டி பார்க்கிறாள்
தண்டவாளத்தை
இன்னும் வரவில்லை.

இந்த முறை வந்துவிட்டது அவள் செவியை கிழிக்கும் ஓசையுடன்
ஒரு விஸ்வரூபமாய்.

மெல்ல அது நடைமேடையை
கடக்கையில்
கண்களை இறுக மூடிக் கொண்டு
அம்மாவின் கால்களை
பற்றிக் கொள்கிறாள்
படபடக்கும் நெஞ்சோடு

மீண்டும் புறப்பட்டது அது
பெரும் நிசப்தத்தை
இறக்கிவிட்டப்படி

இன்னமும் எட்டி எட்டி பார்ககிறாள்
தண்டவாளத்தை
அவள் பார்க்க நினைத்த முதல்
ரயிலுக்காக……

05.08. 2023
6.34 am