உங்கள் பொழுது வீணாகப் போகிறது/சசிகலா விஸ்வநாதன்

                (1)

உங்கள் பொழுது வீணாகப் போகிறது.

நீங்கள் என்ன சொன்னாலும் பிள்ளைகள்

தங்கள் செவியில்
ஏற்றுவதே இல்லை;

தங்கள் முயற்சி வீண்தானே.

              (2)

உங்கள் பொழுது
வீணாகப் போகிறது;

விடாத அடைமழையில்
நடைப்பயிற்சி ஏன்?

பிடிவாதமாக குடை யுடன் போகாமல் இரும்;

மலபார் மழை நானறிவேன்.

               (3)

உங்கள் முயற்சி
வீணாகப் போகிறது;

தங்கத்தின் விலை
என்றும் ஏறுமுகமே!

பொன் வேண்டாம்
அவளுக்கு; பொன்றாத்

துணை நற் கல்வியே.

             (4)

உங்கள் பொழுது வீணாகப் போகிறது

ஏன்; என்று சற்றே சிந்தியும்;

இணையதள சூழலிலும்,
முகநூல் அலையிலும்,

சிக்கிக் கொண்ட நூலனைய.

             (5)

உங்கள் பொழுது வீணாகப் போகிறது;

பணி அயர்வு
அலுவலகப் பணிக்கு

மட்டும்; புதிதாய்
ஒன்றைக் கற்க;

அயர்வு என்பதே வராது.

20-1-2023