எல்லாம் முடிந்துவிட்டது. வேண்டியவர்களுக்கு சொல்லி அனுப்பி அவர்களும் வந்தும், வர இயலாதவர்கள் போனிலும் பேசியாயிற்று. . அம்மாவுக்கு பார்க்க வந்தவர்களைத் தெரியுமோ என்னமோ. கண்மூடி படுத்திருந்தாள். இந்த வீட்டுக்குரியவள், எதற்கும் சம்பந்தமில்லாதவள் போல் படுத்திருந்தாள்.எனக்கு மாலதி வரவில்லை என்று ஏக்கம். “வாசல்ல கொண்டுவந்து வைச்சுடுங்கோ”. மெதுவாக வாசலுக்கு வந்தேன். மாலதி வந்துவிட்டாள்.என்முகம் தொட்டு கதறினாள்..யாரோ அவளை அம்மாவிடம் அழைத்துச்சென்றார்கள். “ போயிட்டானே” என்று அழுதாள் அம்மா.