சசிகலா விஸ்வநாதன்/பெண்ணின் பொலிவு

இனிய மாலை வணக்கம்
சசிகலா விஸ்வநாதன்
சொல் புதிது
செவ்வாய் கிழமை
மாலை மணி6.15
இணைய கால கவியரங்கம்

நெளு நெளு
சேலையின் மேல்,
வெளிர் நீல நீண்ட சட்டை.
இடது பக்க பையில்,
திறன் செல் பேசி
எட்டிப்பார்க்க;
வலது பக்க பையில்
வீட்டு சாவி;
சரியாக மணி ஒன்பது
சூடான வடையிலும்,
தேநீரிலும் “சட்”
என, குறும்பசி
ஆற்றி;
பதினொன்று
மணிக்கெல்லாம்,
பணி முடித்து
முகம் கழுவி,
சீருடை மாற்றி,
முகம் திருத்தி ,
அண்ணே! வண்டி
எடுத்துக்கிடுதேன்;
என சைக்கிளை
வேகமாக மிதித்து;
வங்கியில் அரசு
அம்மாதம் அளித்த
சம்பளப் பணத்தை,
சுளுவாக எடுத்து
தன் தாயின்
கணக்குக்கு மாற்றும்
பொன்னியின் முகத்தில்
பொலியும் பெருமை…
அதுவே பெண்ணின் பெருமை.
பார்க்கும் என்
தலைக்கும் ஏறியது;
பெருமை.

14-11-2023