சசிகலா விஸ்வநாதன்/பாரதியார் தினம்

அழகியசிங்கரின் என்பா

(1)
தெள்ளுத் தமிழை
தெளிவாக கற்க

சிறாரும் சித்திரத் தமிழைப் பழக

பாரதியின் புதிய ஆத்திச் சூடி;

பாரதி கொடுத்த கொடை.

              ( *2*) 

விடுதலை தினம், குடியரசு தினம்
கொண்டாடும் நாட்களில்,

பள்ளிச் சிறார்களுக்கு
பேச்சுப்போட்டி,
கவிதைப்போட்டிகளுக்கு

கருத்துக் கடலென
இருக்கும் பாடல்கள்;

பாரதியார் தந்த கொடை.

          ( *3* )

நற்றமிழ் நாட்டில்,
வீட்டுக்கு வீடு

வம்சம் விளங்க
பிறந்து வரும்

குழந்தை, பெயர் பாரதியே!சிறந்த

பாரதியார் தந்த கொடை.

              ( *4* ) 

பெண் விடுதலை
பேசும் எவர்க்கும்

சிந்தனை தெளிவும்,
மனத் துணிவும்,

அகலா தன்னம்பிக்கை
தரும் பாடல்கள்;

பாரதியார் தந்த கொடை.
( 5 )

பிள்ளைகள் எவருக்கும்,விடுதலை போராட்டத்தின்

அரிச்சுவடியாய் தெரிவது
விடுதலை பாடல்களே!

அவை என்றும் தமிழ் நாட்டிற்கு;

பாரதியார் கொடுத்த கொடை‌.

11-12-2023