அமெரிக்காவில் சூரிய கிரகணம்
இங்குமே அது அமாவாசையன்று தான்
தர்பைப்புல் இல்லா தர்ப்பணம் நடந்தது
எத்தனை மணிக்குப்பிடித்து
எத்தனைக்கு விடுகிறது
பெங்களூர் சின்ன மருமகள் நாசா அறிக்கையை
அனுப்பி வைத்தார்
வாட்ஸ்ஆப்பில்
கண்ணுக்குக் கிரகணக் கண்ணாடி
போட்டவர்கள்
அமெரிக்க சாலையில்
உலா வந்தார்கள்
சன்னலுக்குத் திரையிட்டு
அமெரிக்க வீட்டில்
கிரகண சவுகரியம்
செய்து கொண்டோம்
சேரன் மாதேவி சம்பந்தி
தன் மகள் நட்சத்திரத்திற்கு
ஆகாது
நவக்கிரகப்ரீதி செய் சேதி சொல்ல
பையன் குடும்பம்
மல்லிபு சிவன்கோவில்
நவக்கிரகம் சுற்றிவர
இம்பாலா காரில் புறப்பட்டது.