என் அப்பாவின் அப்பா
பெலாக்குறிச்சி
ராயம்பரம் வனங்களிடை
வாழ்ந்து முடித்தார்
அம்மாவை மணம் முடித்து
தருமங்குடிச் சமவெளிக்கு
வந்தார் அப்பா
நானோ தருமங்குடியைத்
தொலைத்தேன்
முதுகுன்றம்
கடலூர் சென்னை எனச் சுற்றி வந்தேன்
என் மகனோ கலிபோர்னியாவில்
உத்யோகமென அமெரிக்கா போனான்
என் பேரனோ அமெரிக்கப் பிரஜையானான்
அமெரிக்க
பாஸ்போர்ட் டோடு.
பெற்ற தாயும் பிறந்த பொன்னாடும்
நற்றவ வானினும் நனி சிறந்தனவே என்றேன்
வசு தெய்வகுடும்பகம்
என்கிறானே பெற்ற பிள்ளை.