ஆசிரியர் பக்கம்
05.05.2024
மூவரும் சம்பிரதாய வணக்கங்களைத் தெரிவித்துக் கொண்டபின் அவர்கள் அமர்ந்து கொண்டு பேசுகிறார்கள்
மோகினி: வணக்கம்.
அழகியசிங்கர் : வணக்கம்.
ஜெகன் : விருட்சம் 125வது இதழை ஆவலுடன் எதிர்பார்க்கிறேன்.
அழகியசிங்கர் : இந்த மாதம் முடிவதற்குள் கொண்டு வந்து விடுவேன்.
மோகினி : வெயில் எப்படி இருக்கிறது?
அழகியசிங்கர் : தாங்க முடியவில்லை. எங்கும் போக முடியவில்லை.
மோகினி : உங்கள் இணையம் பத்திரிகை உங்கள் நேரத்தைச் சாப்பிட்டு விடுகிறது என்று நினைக்கிறேன்.
அழகியசிங்கர் : உண்மைதான். அதில் அதிக கவனம் செலுத்துவதால் உண்மையாகச் செய்ய வேண்டியதைச் செய்ய முடியவில்லை.
மோகினி : யாராவது புத்தகம் கொண்டு வர வேண்டுமென்று விரும்பினால் ஏற்றுக் கொள்வீர்களா?
அழகியசிங்கர் :. என்னால் முடியாது என்று சொல்லி விடுவேன். நல்ல காலம் யாரும் கேட்டு வரவில்லை.
ஜெகன்: சமீபத்தில் Under the tree அமைப்பின் மூலம் உங்களை மரியாதை செய்தார்கள் போலிருக்கிறது.
அழகியசிங்கர் : ஆமாம். அது ஒரு நெகிழ்ச்சியான நிகழ்ச்சி. என்னைக் கௌரவப்படுத்தினார்கள். ஆனால் எதிர்பாராதவிதமாய்ப் பேசும்படி ஆகிவிட்டது. நான் பேசினேன். ஆனால் யோசிக்காமல் பேசினேன். அதுதான் எனக்குப் பிடிக்கவில்லை.
மோகினி : சில சமயம் அப்படி ஆகிவிடும்.
அழகியசிங்கர் : பேசும்போது Conscious ஆகப் பேச வேண்டும். என்ன பேசுகிறோம் என்று தெரிந்துகொள்ள வேண்டும். நான் தவறு செய்துவிட்டதாகத் தோன்றுகிறது.
மோகினி : நீங்கள் பேச்சாளர் இல்லை. யாரும் தவறாக நினைக்க மாட்டார்கள். மேலும் மற்றவர்கள் பேச்சைக் கேட்கும்போது உங்கள் பேச்சை மறந்து விடுவார்கள்.
அழகியசிங்கர் : அந்த அமைப்பு என்னைப் புகழ்ந்த போது என்னாலேயே நம்ப முடியாமலிருந்தது.
மோகினி : அடுத்தமுறை Conscious பேசுங்கள்.
அழகியசிங்கர் : நிச்சயமாக முயற்சி செய்கிறேன்.
ஜெகன்: இன்று பேசியது போதும். இத்துடன் முடித்துக் கொள்ளலாமா?
அழகியசிங்கர். முடித்துக் கொள்ளலாம்.
(பதிவான நேரம் : இரவு 9.41)