அந்தப் பழைய வீட்டின் பச்சைக் கதவு பலவருடங்களாகப் பூட்டப்பட்டிருந்தது. சுவரில் தொங்கும் பழைய மின்சாரப் பெட்டியும், பின்னிக் கிடக்கும் கம்பிகளும் அந்த வீட்டின் மர்மத்தை அதிகரித்தன.
ஊர் மக்கள் அதைத் ‘தீய சக்தி உள்ள வீடு’ என்று ஒதுக்கித் தள்ளினர்.
ஆனால், ஒரு நாய் அந்த வீட்டின் வாசலில் தினமும் காவல் காத்தது. அது எப்போதும் அமைதியாகக் கதவையே பார்த்துக் கொண்டிருக்கும்.
நகரத்தில் படித்துவிட்டுத் திரும்பிய இளம் ஓவியன் கவின், அந்த வீட்டின் பழமையான அமைதியால் ஈர்க்கப்பட்டான். ஒரு மாலை வேளையில், தன் தூரிகையால் அந்தப் பூட்டிய பச்சை கதவை, வாசலில் அமர்ந்திருக்கும் நாயுடன் அப்படியே வண்ண ஓவியமாக வரையத் தொடங்கினான்.
அவன் ஓவியத்தை முடித்து விட்டு, அந்த வீட்டின் பூட்டினை லேசாக தொட்டான். தொட்ட நிமிடத்தில்… திடீரென அந்த வீட்டின் பூட்டு “கிளிக்” என்ற சத்தத்துடன் திறந்தது.
மெல்லத் திறந்த கதவின் பின்னால் ஒரு பழங்காலப் பெட்டியும், அதனுள் ஒளிந்திருந்த அபூர்வமான கலைப் ஓவியங்களும் கவின் கண்களில் தெரிந்தது.
அந்த அபூர்வ ஓவியங்களை தான் அந்த நாய் காவல் காத்து வந்ததோ என்னவோ.!
அஞ்சிய ஊர் மக்களுக்கு அது மர்மமாகதவே தெரிந்தது. கவினுக்கோ, அது ஒரு திறக்கப்படாத கலைக் கருவூலமாக தோன்றியது!
அது குறித்து அருகிலுள்ள காவல் நிலையத்திற்கு தெரியப்படுத்தினான் கவின். காவல் அதிகாரி கவினை வெகுவாகப் பாராட்டி அதில் ஒரு சிறந்த ஓவியத்தை கவினுக்கு பரிசளித்தார்.
வார்த்தைகள்: 123