பள்ளிக்குச் செல்லும் பருவத்தைப் போற்றி
படிப்பினில் நாளும் கவனத்தை ஊட்டி
கல்வியெனும் வாய்ப்பைக் கைவிடாது காத்து
ஒரு துடிப்பையும் தவறவிடாதீர்கள்.
கல்லூரி வாய்ப்பினைக் கண்ணெனக் காத்து
கற்றிடும் அறிவினைக் கருத்துடன் சேர்த்து
எதிர்கால வாழ்வினை ஏற்றமாய் மாற்றி
ஒரு துடிப்பையும் தவறவிடாதீர்கள்.
வேலையைக் கிடைத்ததோர் வாய்ப்பென எண்ணி
விடாமுயற்சியுடன் திறமையை வளர்த்து
வெற்றிக்குத் திறந்திடும் பாதையைத் தேடி
ஒரு துடிப்பையும் தவறவிடாதீர்கள்.
குடும்பம் எனும் கோயில் அன்பினால் காத்து
குழந்தைகள் எதிர்காலம் கனிவுடன் பார்த்து
கிடைத்திடும் இன்பத்தை நெஞ்சினில் சேர்த்து
ஒரு துடிப்பையும் தவறவிடாதீர்கள்.
சமூக நலத்திற்குச் சேவையைச் செய்து
சுற்றத்தார் வாழ்வினில் ஒளியினை ஏற்றி
பிறருக்குப் பயன்படும் வாய்ப்பினைத் தேடி
ஒரு துடிப்பையும் தவறவிடாதீர்கள்.
முதுமையின் காலத்தை மகிழ்வுடன் ஏற்று
முன்னைய நினைவுகளை இனிமையாய் போற்றி
இன்றுள்ள பொழுதினை இறைவனின் கொடையாய்
ஒரு துடிப்பையும் தவறவிடாதீர்கள்.