மாலா சிறு வயது முதலே இயற்கையை ரசிப்பவள். படித்தது மருத்துவம் ஆனாலும் ,தமிழை மறக்காது தன் மனம் போன போக்கில் கதை , கவிதை என எழுதுவாள். வார மலரில் சிறுகதைப் போட்டி ஒன்று வர, அதற்காக மாலையில் பூங்காவில் அமர்ந்து யோசித்துக் கொண்டிருந்தாள். கதைக் கரு , தலைப்போ தோன்றவில்லை. அப்போது குருவி சத்தம் கேட்க, திரும்பினால், அழகு சிவப்பாய் ஒரு வால் குருவி அவளருகே உட்கார்ந்தது. பயமில்லாமல் அவளிடம் குருவி பாஷையில் காதல் கீதம் பாடியது. மாலாவுக்கோ ஆச்சரியம் தாங்காமல்” ஏ குருவி , வால் குருவி ,உன் ஜோடியெங்கே? ” எனப் பாடலை பாடினாள். குருவியும் பதில் சொல்ல, அவளுக்குக் காதல் கதை மலர, மளமளவென்று காதல் கதை எழுதினாள். வார மலருக்குக் கதை அனுப்ப, முதல் பரிசை தட்டினாள். இப்போது அந்த வால் குருவி ராசிக்குருவியாக அவளோடு வாழ்கிறது.
98