அழகியசிங்கர்/அவர்

    

   விருட்சம் நடத்தும் 'கவிதை வாசிக்கலாம் வாங்க' கூட்டம் 4th poem

                                 அசையாத நீரில்
    சுழலும் கிண்ணங்கள்

    எழுந்தவுடன் தெரிந்தது
    அவர் பணியிலிருந்து 
    ஓய்வு பெறும் நாளென்று
    சப்தம் தெரியாத
    ஒற்றைக்குரல்
    கழுத்தைத் திருப்பும்
    நரை முடித் தலை

    என்றும்போல்தான்
    இந்தப் பகல்பொழுது

    சில காக்கைகள்
    காலை சாதத்திற்கு
    வழக்கமான இடத்தில்

    அவர் எப்போதும்
    அந்த இடத்தில்
    சில சந்தர்ப்பங்களில்
    அவர் இல்லாமலிருந்தாலும்
    அவர் அமரும் விதத்தில்

                                 அசையாத நீரில்
    சுழலும் கிண்ணங்கள்
    ஒன்றையொன்று உரசாமல்
    சுற்றிய வண்ணம்.

    பார்த்தது பழக்கமானது
    ஏதோ ஒரு தருணத்தில்
    எங்கோ ஒரு புள்ளியில்
    அலுவலக விதியை
    சந்திக்கும் சந்தர்ப்பத்தில்
    சிறுசிறு உரசல்கள் 

    இனி ----
    நழுவத் தொடங்கும் நாட்கள்

அழகியசிங்கர்/காத்திருந்தேன் – விருட்சம் நாளிதழ்