ஜெ.பாஸ்கரன்/திடீர்ப் பிள்ளையார்!

ரஹீம் பாயின் கறி கடைக்கும், கணேசய்யரின் டிபன் கடைக்கும் இடைப்பட்ட இடம், மாணிக்கத்தின் பூர்வீக சொத்து. கால் கிரவுண்டுக்கும் கொஞ்சம் குறைவு. வீடு கட்டவும் போதாது, வேறு கடை கட்டி, தொழில் செய்யவும் தெரியாது மாணிக்கத்துக்கு! விற்று விடலாம் என்றாலோ, ரஹீம் …

>>

அழகியசிங்கர்/ஏமாற்றம்

தெரு முனையில் பிள்ளையார் கோயில். பிள்ளையாரைச் சுற்றி ஆலமரம். சக்தி அங்கே நின்று கொண்டு வேண்டிக் கொள்வான். மனம் உருகி. அவன் பிரார்த்தனை எல்லாவற்றையும் விநாயகர் செவிசாய்த்து நிறை வேற்றுவதாக அவனுக்கு நினைப்பு. அது ஓரளவு உண்மையும் கூட. ஒரு முறை ஸ்மார்ட் வாட்ச்சை எங்கோ வைத்துவிட்டான். பிள்ளையாரை வேண்டினான். உடனே கிடைத்து விட்டது.  இன்னொரு நாள் முகத்தில் போட்டுக்கொள்ளும் கண்ணாடி. ஒரு கல்யாணத்திற்குப் போகும்போதுதான் தேடினான். கிடைக்கவில்லை. அன்று கண்ணாடி இல்லாமல்  கல்யாணத்திற்குப் போனான். ஆனால் அடுத்தநாள் கிடைத்து விட்டது. இப்படி சின்ன சின்ன விஷயங்களைப் பிள்ளையாரிடம் வேண்டிக்கிறான். நடந்து விடுகிறது. இப்போது மேஜரா ஒன்றை வேண்டி கொண் டிருக்கான்.   பக்கத்து வீட்டிலிருக்கும் மாலினியைக் காதலிக்கிறான். காலையில் எழுந்தவுடன் தெருவில் அவ முக தரிசனம் கிடைக்கிறதா என்று பார்ப்பான். சில சமயம் கிடைக்கும்போது அவளைப் பார்த்துச் சிரிப்பான். அவளும் சிரிப்பாள். அவன் சிரிப்பை அவ தப்பாக எடுத்துக்கொள்ளவில்லை.  அவளைத் திருமணம் செய்துகொள்ள நினைத்துக் கொண்டிருக்கிறான். அவளிடம் எப்போது சொல்ல வேண்டுமென்று யோசித்துக் கொண்டிருக்கிறான். பிள்ளையார் அனுமதி தர வேண்டும். ஒருநாள் அவன் பிள்ளையாரிடம் வந்து வேண்டிக் கொண்டிருக்கும் போது, மாலினியும் அங்கு வந்து வேண்டிக் கொண்டாள். அவளைப் பார்த்துப் புன்னகை செய்தான். அவளும்தான். அவள்தான் முதலில் பேசினாள் :  “ இந்தப் பிள்ளையார் சக்தி வாய்ந்த பிள்ளையார்.” ‘ஆமாம்’ என்று தலை ஆட்டினான். “நான் வேண்டியதை நிறைவேற்றி விட்டார்.” “என்ன வேண்டினிங்க.” “எங்க அலுவலகத்தில் பீட்டர் என்பவரைக் காதலிக்கிறேன். அவரிடம் என் விருப்பத்தைத் தெரிவித்தேன். இதோ எல்லோருடைய சம்மதத்துடன் எங்கள் திருமணம் நடக்கப் போகிறது.” பிள்ளையார் அவனை ஏமாற்றி விட்டார்.

>>

சசிகலா விஸ்வநாதன்/நல்ல காலம் பிறந்தது

மீனாட்சி அம்மன் கோயில் மேல கோபுர வாசல் தாண்டியதும், ஆடி வீதியில், மதில் ஓரத்தில்  அருள் புரிபவர்தான் பரீட்சை பிள்ளையார்.  இவர் தான் ஏழை மாணவர்களுக்குக் கண்கண்ட தெய்வம். பரீட்சை நேரத்தில் இவர் சந்தி முதல் அந்தி வரை வாய் மூடா விரதம் தான். மீதி நாட்களில் முப்போதும் பட்டினி தான். அவரும் தன் அன்னை மீனாட்சியிடம் வேண்டித்தான் இருந்தார். அன்று சோமு  தனது மனப்பாட பகுதியான விநாயகர் அகவலை அவர் முன் உட்கார்ந்து  மனனம் செய்ய முற்பட, சிறிதாகக் கூட்டம் கூடியது. ஒரு முதியவர், ” அப்பனே! அருமையாகச் சொல்கிறாய்!  கருத்துரையும் சொல்! கேட்போம்! என்றதும்” சோமுவும் தனக்குத் தெரிந்த அளவில் விநாயகர் அகவல் பற்றி விரிவுரை ஆற்ற,  கேட்டவர்கள், கைதட்டிப் பாராட்டினார்கள். “தம்பி நன்றாகச் சொல்கிறாய்!    . தினமும் ஏதேனும் சொற்பொழிவு செய். உனக்கு அது நல்ல பலன் தரும் என்று சொல்ல; சோமு தினமும் ஏதேனும் ஒரு பொருள் பற்றி அங்குச் சொற்பொழிவு  செய்யத் துவங்க. தினமும் சிறு பூஜையுடன்  “சொல்லின் செல்வன் ‘ திருவாளர் சோமநாதன் அவர்களின் சொற் பொழிவை இன்பமுடன் செவிகொள்கிறார்; பரீட்சை பிள்ளையார். 125

>>

நாகேந்திர பாரதி /திறந்த கதவுகள் -துரிதக் கதை

பாழடைந்த அந்தக் கோயிலின் மரக்கதவுகள் கிரீச் சப்தத்துடன்   திறக்கப் படுவதை எதிர்பார்த்துக் காத்திருந்தது போல் தனது தீர்க்கமான கண்களால் உற்றுப் பார்த்தார் விநாயகர். வருவது அவன்தான். நடுங்கும் உடலோடு  உள்ளே நுழைந்த அவனால் அவரின் பார்வையைத்  தாங்க முடியவில்லை. அவர் நெற்றியில் …

>>

எம். ஷங்கர்/ மரத்தை மறைத்தது…

முகம் கழுவி பொட்டு இட வழக்கம்போல் ரகுவோட சிவப்பு மர பீரோ கதவிலிருக்கும் கண்ணாடியை பார்த்த உமா,  அங்கே கண்ணாடிக்கு பதில் பிள்ளையார் படத்தை பார்த்து வியந்தாள். “ டேய் ரகு..கண்ணாடி மேலே படத்த எதுக்கு ஒட்டியிருக்கே?” “ அம்மா ஏதோ …

>>

சந்தியா ஷங்கர் /“சிந்தூர கணபதி”

குப்பன் ஒரு தீவிர பக்தர், கடவுளை நினைத்துத் தவம் இருந்தார். பல நாள் கழித்துக் கடவுள் அவர்முன்னே தோன்றினார். ‘பக்தா,உன் தவத்தை மெச்சினோம், என்ன வரம் வேண்டும், கேள்!’ குப்பனுக்கு உடம்பெல்லாம் பரவசம். கடவுளுக்கு ஒரு சாஷ்டாங்க நமஸ்காரம் செய்துவிட்டு, ‘நிறைய …

>>

அர்ஜுனன்/குங்கும கறை

அந்த தெருக்கோடி பிள்ளையார் கோவிலுக்கு அன்றைக்குக் காலையில் பூசாரி வந்தபோது, சுவர் முழுவதும் குங்கும தீற்றல். வழக்கமாக அங்குப் படுத்திருக்கும் அந்த ஊமை பிச்சைக்காரி, அன்று அரைகுறை உடையோடு இருக்க, அவள் கைகள் முழுவதும் குங்குமக் கறையோடு மயங்கிக் கிடந்தாள். பூசாரி சொன்னதன் பேரில் அந்தத் தெரு பெண்கள் வந்து அவளுக்கு மாற்றுடை அளித்து, சைகை மொழியில் விசாரித்தனர். நடு இரவில் ஒரு காமுகனால் அவள் சீரழிக்கப்பட்டதாகத் தெரிவித்தாள். காவல்துறைக்கு தகவல் சொல்லப்பட்ட, காவலரும் வந்து சுற்றிலும் பார்த்துவிட்டு, “இங்கேயும் கணபதியா?” என்றார். “ஏன்?” ஒருத்தி கேட்க, காவலர் பதில் சொன்னார். “வரும் வழியில் மெயின் ரோட்டில ஒரு ரவுடி ரத்த வெள்ளத்தில் கிடந்தான். நான் கூட மூதல்ல ரவுடிகளுக்குள்ள வெட்டு, குத்தா இருக்குமென்று நினைச்சேன்” “பிறகு?” “அவனை யாரோ ஒரு லாரிக்காரன் அடிச்சிட்டு போயிட்டானாம். லாரி நம்பர் யாரும் கவனிக்கலையாம். ஆனா லாரி மேல கணபதினு பேரு மட்டும் தெரிஞ்சதாம்.” (104 வார்த்தைகள்)

>>

கஸ்துரி குருசாமி/குழந்தையும் தெய்வமும்

குழந்தை வேலனுக்கு ஐந்து வயது. அன்று விநாயகர் சதுர்த்தி. வேலனின் அம்மா கொழுக்கட்டை, பொரி உருண்டை எல்லாம் செய்து சாமி முன்பு வைத்து விட்டு சாம்பிராணி போட தணல்எடுக்கப் போனாள்.வேலன் பூஜைஅறையில் இருந்தான்.வீட்டில் எப்பொழுதும் பழம் வைத்தால் கூட எலி தின்றுவிடும். …

>>

 எஸ்.எல். நாணு/ஸ்தம்ப விநாயகர்

சியாட்டிலிலிருந்து இந்த குக்கிராமத்துக் கோவிலுக்கு நான் வந்ததற்குக் காரணம் அப்பா. “சின்ன வயசுல பண்ணின தப்பு மனசை அரிச்சிக்கிட்டே இருக்கு. கிராமத்துச் சிவன் கோவில்ல ஸ்தம்ப விநாயகருக்கு நீ போய் அபிஷேகம் பண்ணி, வஸ்திரம் சாத்தி, அஞ்சு பௌன்ல தங்க சங்கிலி போட்டு விசேஷ பூஜைக்குக் கண்டிப்பா ஏற்பாடு பண்ணுவேனென்று சத்தியம் பண்ணு” சத்தியம் பண்ணினேன். ”ரொம்ப சக்திவாய்ந்த …

>>

விஜி சம்பத்/கனவில் வந்த கணபதி

ஆற்றங்கரை பிள்ளையார் முன்.. “கஜானனம் பூத கணாதி சேவிதம்..” தலையில் குட்டிக் கொண்டு தோப்புக்கரணம் போட்ட பரத் தலையில் மழைச்சாரல். திடுக்கென்று எழுந்தவன்  எதிரில் செம்பில் தண்ணீருடன் நின்றிருந்தாள் வித்யா. “என்ன வித்யா நீ? நம்ம ஊர் ஆத்தங்கரை பிள்ளையார் கனவுல வந்தார்.  விபூதி வாங்கறதுக்குள்ள நீ எழுப்பி விட்டுட்டே” என்றவன் சட்டென்று யோசனையில் ஆழ்ந்தான். “என்ன பரத் யோசனை” “இல்ல.. பிள்ளையார் நெத்தியில  விபூதி பூசி வட்டமா சந்தனம் குங்குமம் வைக்கறதுதானே வழக்கம். ஆனா இன்னிக்கு குங்குமம்  கரைஞ்சு வழிஞ்ச மாதிரி.. வித்தியாசமா இருந்தது. இந்த மாதிரி யார் நெத்தியிலயோ பாத்திருக்கேன்.  ம்.. ம். ஆங்..! அப்பா இறந்தப்ப ஒரு வயசான பாட்டி இப்படித்தான் நெத்தியிருந்து குங்குமம் வழிய, முக்காடு போட்டுகிட்டு ஓரமா நின்னு அழுதுட்டு இருந்தாங்க. நம்ம சொந்தக்காரங்களான்னு கேக்கணும்னு நினைச்சு வேலை மும்முரத்தில் மறந்துட்டேன். இன்னைக்கு அதை ஞாபகப்படுத்தற மாதிரி வந்த கனவுல பிள்ளையார் என்ன சொல்ல நினைச்சிருப்பாரு..!”. கனவு தொடர்ந்திருந்தால்..! “அந்த வயசான பாட்டிதான் உங்கப்பாவைப் பெத்தவங்க. அவங்க மனநிலை சரியில்லாததால உன்னோட தாத்தா, குழந்தையையும் பிடுங்கிட்டு அவங்களை காப்பகத்துக்கு அனுப்பிட்டாருனு பிள்ளையார் சொல்லியிருப்பார்.” 127 வார்த்தைகள்

>>

கரந்தை  இந்து /கணேச லீலை

      ”  என்னாச்சுங்க,   அப்போதில்  இருந்து நம்  வீட்டு  வாசல்  பிள்ளையாரையே வைச்ச கண்டெடுக்காமல் பார்க்கறீங்க”  என்று கேட்டாள் சிவகாமி  தன் கணவன்  சங்கரனிடம்.       ” உனக்கு  நினைவிருக்கா?  அம்மா  எப்போதும்  சொல்வாங்க,  விநாயகர்  தான்  இருப்பதிலேயே எளிமையான  கடவுள். …

>>

ஷைலஜா /விடாது நெருப்பு

டில்லி அருகே அது ஒரு சின்ன ஊர். ஆனால் அந்த ஊர் கோயிலின் பிள்ளையார் மிக சக்தி வாய்ந்தவர். அதுமட்டுமா? “. டேய். கதிரேசா.இது அபூர்வ உலோகத்தில் ஆன பிள்ளையார் .6 கோடிக்கு விலை பேசியாச்சி ..இப்ப ராத்திரி11மணி.விடியறதுக்குள்ள ஆஸ்திரேலியாக்குநாம அனுப்பியாகணும் …

>>

வனஜா முத்துக்கிருஷ்ணன் /பசி தீர்த்த விநாயகர்

“ஏம்பா.. விநாயகா!திடீரென ஒரு நாளு என் கனவுல வந்தே.”  “செல்லம்மா..நீ பாதி நாளு பசியோட இருக்கே! அப்படின்னு சொன்னே.” “நம்ம உடம்புல உசுரு இருக்கற வரை உழைச்சு தான் சாப்பிடனும்னு இருக்கேன்னு சொன்னேன்.” “அப்போ என் கோவிலுக்கு தினமும் வந்து தண்ணீர் …

>>