ஒரு வினாடிக் கதை அல்லது துரிதக் கதை

“அப்பாடா இன்னிலேர்ந்து சாவகாசமாக பேப்பர் படிக்கலாம். காலங்கார்த்தால எழுந்து அவசரமாக ஹெட்லைன்ஸை படிச்சுட்டு கமலா குடுக்கிற காபியை ஒரு கையில் உறிஞ்சுண்டு டபரா டம்ப்ளரை டொக்கென வைத்துவிட்டு பேக்கை மாட்டிட்டு ஷூவை ஒரு தட்டு தட்டிவிட்டு ஓடியாச்சு ரிட்டையர்மெண்ட் ஆயிடுத்து.என்று மனதுக்குள் …

கைகளைத் தலைக்குப் பின்னால் கட்டிக்கொண்டு நாற்காலியில் அமர்ந்து கொள்வது ராமசாமியின் வழக்கம்.தேசிய வங்கியில் 35 ஆண்டுகளாகப் பணிபுரிந்து ஓய்வு பெற்று நிம்மதியாகக் காலத்தைக் கழிக்கலாமென்று நினைத்தவனுக்கு சோதனைமேல் சோதனை.அவனுக்கு முட்டிவலி.மனைவி இருதய நோயாளி.இரண்டு பெண்கள். யாரும் சென்னையில் இல்லை.எதற்கும் கவலைப்படாத ராமசாமி …

தொழிலதிபர் ராமசாமியின் பிரம்மாண்ட சுழல் நாற்காலியைச் சுற்றி எப்போதும் முகஸ்துதி பேசும் கூட்டம் மொய்த்துக் கிடந்தது. “சார் சொன்னா சரியாத்தான் இருக்கும்!” என்ற போலிப் பாராட்டு மழையில் அவரது அகந்தை வானைத் தொட்டது. நாற்காலி தந்த அதிகார மயக்கத்தில், தன்னைச் சுற்றிய …

​கதிரவன் மறையும் நேரம். அந்த பழைய, சாய்வான மர நாற்காலியில் அமர்ந்திருந்தான் மாத்ரு. அவனது கைகள் தலைக்குப் பின்னால், கால்கள் குறுக்காக. இது ஒரு சாதாரண ஓய்வு அல்ல, ஆழமான சிந்தனையின் வெளிப்பாடு. அவன் ஒரு புகழ்பெற்ற எழுத்தாளன், ஆனால் கடந்த …

மிருதுளா மிகக் கவலையோடு வாசல் தாழ்வாரத்தில் உட்கார்ந்திருக்கிறான் . அவள் காலடியிலேயே அவள் வளர்க்கும் பூனை ஜிகிடியும் அமர்ந்து இருந்தது .காரணம் வெளியூர் சென்ற கணவன் பற்றி வந்த கைப்பேசி தகவல் . பார்த்திபன் மலைப்பாதையில் விழுந்து காலில் எலும்பு முறிவும், …

ரதி.. வழி மேல் விழி வைத்து ரகுவுக்காகஅந்த வீட்டின் தாழ்வாரத்தில்.. சுவரில் சாய்ந்தபடி காத்திருந்தாள்.கல்யாணம் ஆன புதிதில் இருந்தே அவள் அப்படித்தான்.ரகுவிற்கு அவன் பணி முடிந்து வீட்டிற்கு வரக் குறைந்த பட்சம் பதினோர் மணியாவது ஆகும்.அவன் சொன்னாலும் கேட்க மாட்டாள். ஒரு …

“என்ன அம்மம்மா இது, ஒரு போட்டிக்கு உன்னிடம் ஓவியம் வரையச் சொன்னா நீ இப்படிப் பூனையோடு தனியே ஒரு பெண்மணி உட்கார்ந்து இருக்கிற படத்தை வரைஞ்சு வைச்சிருக்கே. ஹும் பரிசு கிடைக்க வாய்ப்பே இல்லை”. என்று கோபப்பட்ட பேத்தி ஷாலினியிடம் “இங்கே …

அமுதா தன் உறவுகளை இழந்து தனியாக நின்றாள். வாழ்க்கையில் பிடித்தம் இல்லை. நகர வாழ்க்கை மிகவும் சலித்துப் போனது .ஆதலால் தன்னுடைய சொந்த கிராமத்திற்கு மீண்டும் வந்தாள். சிறு வயதில் அவள் வாழ்ந்த ஓட்டு வீடு, ஓட்டை வீடாக இருந்தது .வாசலில்  …

தண்டு மாமா உள்ளே நுழைந்ததும் செய்த முதல் காரியம் சீதாவையும் பூனையையும் வெளியே அனுப்பியது. சுப காரியம் நடக்கும் போது அபசகுனமாக இவர்களைப் பார்க்கக் கூடாது என்பதில் தீர்மானமாக இருந்தார்.சீதா வெளியில் வந்து அமர்ந்தாள். அவள் காலடியில் அவளது ஒரே வளர்ப்பு …

” பூனை சத்தம் போடுதே. சனியனை விரட்டியடி. கண்ட இடத்துக்கும் போயிட்டு வந்திருக்கப் போவுது. ” நோய்வாய்ப்பட்டிருந்த தன் வயதான அம்மா சுமதி கட்டளையிட, சீதாஅதைத் தேடிச்சென்று, வெளியில் விரட்டியடித்தாள்.இரு தங்கைகள், இரு தம்பிகளுக்குத் திருமணம் ஆகி அவரவர் குடும்பம் என்று …

கல்யாணி அமைதியாக அழக் கூட முடியாமல் துவண்டு போய் இருந்தாள். அசைவற்று அமர்ந்து இருந்தாள்.அவள் மனம் இயங்கியது. திருமணம் ஆகி பத்து வருடங்களாகக் குழந்தைப் பேறு இல்லை. இருவரும் போகாத கோவில் இல்லை. வேண்டாத தெய்வம் இல்லை.ஒரு கோவிலில் உட்கார்ந்து இருந்த …

வாசலில் காத்துக் கிடப்பதே ஆச்சியின்  வேலையாகி விட்டது. இட்லிக்கடை ஜோலி முடிஞ்சதும் , தனது வயிற்றுக்கும் பூனையின் வயிற்றுக்கும் ஏதோ போட்டு விட்டு இப்படி வெறித்த பார்வையோடு இருக்கும் அவளிடம் ஊர்க்காரர்கள் எவ்வளவோ சொல்லிப் பார்த்தார்கள்.  ‘ அந்த ஓடுகாலி மகளை …

பத்மஜா தன் அறையிலிருந்து வெளியே வந்து அறைக்கு வெளியே இருந்த மோடாவில் அமர்ந்தாள். பாய்ந்து வந்து அவள் காலடியில் படுத்துக் கொண்டது; அவளது செல்ல பூனை கறுப்பி.“அம்மா! காலேஜிலிருந்து உங்களைப் பார்க்க வந்திருக்காங்க.” என்றாள், அமிர்தம்மா. ” எதுக்கு? எந்த காலேஜிலிருந்து?”குரு …

கண்ணகி குப்பத்தை பெரும் செல்வந்தர் ஒருவர் விலைக்கு வாங்கியிருந்தார். அடுக்கு மாடிக் கட்டிடம் கட்டுவதாக ஏற்பாடு. குப்பத்தில் உள்ளவர்கள் தலா ஒரு வீட்டிற்குக் கணிசமான தொகை வழங்கினார். ஆனால் பாக்கியம் மட்டும் வாங்கவில்லை. பரம்பரை பரம்பரையாக மூதாதையர்கள் வாழ்ந்த இடத்தை விட்டு …

பார்க்க வாட்டசாட்டமாக இருப்பாள். திண்ணையின் ஒரு மூலையில் அமர்ந்திருப்பாள். எந்த சலனமும் இருக்காது. யாரிடமும் பேசவும் மாட்டாள். அவள் சாப்பிடுகிறாளா என்பது கூட யாருக்கும் தெரியாது. இரக்கப்பட்டு சிலர் ஏதாவது உணவுப் பொருளைப் பக்கத்தில் வைப்பார்கள். ஊரில் அவளை “பிச்சி” என்றழைத்தார்கள்.தெரு …

“அடியே வீராயி, வீட்டை உன்னை நம்பி விட்டுட்டு போறோம்.‌வர்றதுக்கு பத்து நாளைக்கு மேல் ஆகும் என்று அந்த பங்களா வீட்டு முதலாளி அம்மா சொல்லிட்டு பேரன் கல்யாணத்துக்காக டவுனுக்கு போயிருக்கு.நாற்பது வயசைத் தாண்டி இருந்தாலும் இன்னும் கல்யாணம் கட்டாம ஒத்த ஆளா …

அந்த இடிந்து போன ஓட்டு வீட்டின் திண்ணையில் அமர்ந்து இருந்த சீதாவின் காலடியில் பப்பு என்ற பூனை படுத்துக் கொண்டு இருந்தது.“என்னடா பப்பு. நம்ம ரெண்டு பேருக்கும் பசிக்குது. யாராவது சாப்பாடு கொண்டு வந்து தரக்கூடாதா?எப்பவும் உனக்கு நானும் எனக்கு நீயும் …

அத்தை இறந்து ஒரு மாதம் ஆகிவிட்டது. அப்பாவின் அக்கா அவர். எங்களுடன்தான் இருந்தார். தம்பியை வளர்க்கும் பொருட்டு திருமணமும் செய்துகொள்ளவில்லை.உடல்நலம் குன்றி சிகிச்சை பலனின்றி அவர் மறைந்ததும் அம்மா அப்பா இருவருமே ‘அப்பாடா’ எனப் பெருமூச்சுடன் விட்டார்கள்.அப்படி ஒன்றும் அவர் யாருக்கும் …

டாக்டர் அறிவழகன் காலையில் தன் க்ளீனிக்கு வந்தார். வந்ததும் வாசலில் வேலாயி அம்மாயி கண் மூடி பெஞ்சில் உட்கார்ந்திருப்பதைப் பார்த்தார். பக்கத்தில் அவளது வளர்ப்பு பூனையும் இருந்தது.அறிவழகனுக்கு புரிந்தது.. மறுபடியும் வேலாயிக்கு ஏதோ கனவு வந்திருக்கும் என்று.” கம்பவுண்டர்! அம்மாயியை உள்ள …

காலுக்குக் கீழே படுத்துக் கொண்டிருக்கும் கருப்புப் பூனையை லேசாக மிதித்தாள் பாக்கியம்.அது சட்டென எழுந்து ”நான் தான் ஷோலாப்பூர் ராஜா. உன்னால் எனக்குச் சாப விமோசனம் கிடைத்தது” எனச் சொல்லித் தன்னை மணந்து கொள்ளுமோ…கற்பனையில் தான் நடக்கும். கற்பனை சுகமானது. நிஜம் …

நான் பைத்தியமாம். பறவைகள் விலங்குகள் கூட பேசுகிறேனாம். அதனால் என்னை ஒரு அறைக்குள் தள்ளி விட்டார்கள். என்னோடு தினம் பேசும் லிஸ்ஸிஎனும் கருப்பு பூனை என் அருகிலேயே எப்போதும் இருக்கிறது.*மியாவ் மியாவ் மியாவ்” என்றதுலிஸ்ஸி.அதற்கு அர்த்தம், “மனிதர்கள் ஏன் இப்படி இருக்கிறார்கள்?”அன்றைக்கு …

அந்த மருத்துவமனை வளாகத்தில் விபத்துக்குள்ளான கணவனை அட்மிட் செய்திருந்தாள் மதி. வாயிக்கும் வயிற்றுக்கும் பத்தாத வருமானம்.ஐ சி யு வில் கணவன் நிலைமை மோசமாக இருப்பதாகவும், மூளைச்சாவு அடைந்திருப்பதாகவும் சொன்னார்கள்.விளங்கவில்லை அவளுக்கு. அவனது உறுப்புகள் தானத்தைப் பற்றிக் கூறினார்கள். ஆலோசிப்பதற்குக் கூட …

பட்டம்மா வீட்டுத் திண்ணையில் அமர்ந்து, தன் கடந்த கால நினைவுகளில் மூழ்கி இருந்தாள். அவள் கணவன் கணேசன் தினக்கூலி என்றாலும் அவளுக்கு ஒரு குறைவும் இல்லாமல் பார்த்துக் கொண்டான். அந்த தம்பதிகளுக்குக் குழந்தை இல்லை. அப்பு என்ற ஒரு பூனைக் குட்டி …

அவள் எப்போதும் வீட்டின் வெளிப்புறத்தில் உள்ள திண்ணையில் அமர்ந்து கொண்டு அழுது கொண்டிருப்பாள்.கூடவே அவளுக்கு ஆறுதல் தரப் பூனையும் அமர்ந்திருக்கும்.சமீபத்தில் அவள் கணவன் விபத்தில் இறந்து விட்டான். அவன் இறந்து போனது அந்த வீட்டின் வெளியே திண்ணைப் பக்கத்தில்தான். அவளுக்கு அந்தத் …

விமலா தனிமைக்குப் பழக்கப்பட்டவள்தான். தள்ளாமை மெதுவாக எட்டிப் பார்க்க ஆரம்பித்தது. மாதம் தோறும் பென்ஷன் . ஆனாலும் ஒரு வெறுமை.கடந்த சில நாட்களாகச் சிலை போல் ஒரே இடத்தில் அமர்ந்து விட்டத்தைப் பார்க்கத் தொடங்கினாள். வாழ்க்கை சலிப்படையத் துவங்கியது. அவள் பூனையும் …

நேற்றிரவு தூக்கம் வராமல் திணறி விட்டார் சொர்ணம்மாள். சென்னை, கோவையிலிருந்து வந்திருந்த இரு மகன்களும் குடும்பங்களும் நேற்றிரவு ரயில், கார் எனக் கிளம்பி விட்டனர். மீண்டும் வீடு பேரப்பிள்ளைகள், மருமகள்கள், மகன்கள் இல்லாம நீண்ட இருளில் மூழ்கியது. 12 வருடக் குறிஞ்சி …

கணவன் மறைந்த பிறகு கோமதியைச் சுற்றி உறவினர்கள் எனும் பூனைகள் வட்டமடித்தன; அவளது வீட்டைப் பறிக்கச் சதி செய்தன. ஆனால் அவள் ஒருநாளும் கலங்கவில்லை. “எலிகள் எந்தக் காலத்திலும் உணவு இன்றிச் செத்ததில்லை, பூனைகளுக்கு மத்தியிலும் அவை வாழக் கற்றுக் கொள்கின்றன” …

கமலா தினமும் அந்த நாற்காலியில் சிலை போல அமர்ந்திருப்பாள். கணவர் இறந்து, பிள்ளைகள் வெளிநாடு போன பின் வீடு மௌனமானது. சுவரில் மங்கிய ஓவியம், மடியில் கட்டிய கைகள், வெளிறிய முகம்.ஒரு மழை நாளில் அந்தக் கருப்பு பூனை வந்தது. சிவப்பு …

அன்று பிளஸ் டூ ரிசல்ட் வரப்போகுது. குமாருக்கு ஒரே பதட்டம். அவன் குடியிருக்கும் ஏழுமாடிக் கட்டிடத்தில் மொட்டை மாடிக்குச் சென்றான். “கடவுளே நான் தான் வகுப்பில் முதல் மார்க் வாங்கணும்” என்று வேண்டிக் கொண்டே நடந்தான்.சட்டென்று ஒரு சத்தம் வட்ட வடிவில் …

காத்மாண்டு மருத்துவமனை. நேபாள பெருவெள்ளத்தில் அடித்துவரப்பட்டவர்களில் , உயிர் பிழைத்தோர் மற்றும் மரித்தோர் விவரம் சேகரித்து படத்துடன் ஆசுபத்திரியின் முன்பகுதியில் ஒட்டுவதிலேயே சோர்வடைந்த ஊழியர்கள் ஒருபுறம்.பீதியுடன் அந்த அறிவிப்புப் பலகையை உற்றுநோக்கும் ஜனத்திரள் ஒருபுறம்.திரிசூலி ஆற்றில் கரைபுரண்டு ஓடிய பெருவெள்ளத்தில் இளம்பெண் …

செதுக்கிய மூக்கும், வளைந்த புருவமும், பவளச் செவ்வாயும், குவளைக் கண்களும் இல்லாவிட்டாலும் அழகிதான் ரம்யா!பீச், பார்க், சினிமா தியேட்டர் எனச் சுற்றிச் சுற்றி காதலித்துத் திருமணம் செய்துகொண்ட ரமேஷ், ரம்யாவுக்கு சரியான இணைதான்.ரமேஷுக்கு ஆறு மாதம் டெபுடேஷன் – அந்த நேரம் …

வீட்டில்…“என்னங்க நம்ம தீபக்போன்செஞ்சான். பள்ளிக்கூட ஓவிய போட்டில அவன் வரைந்த ஓவியத்துக்கு முதல் பரிசு கிடைச்சு இருக்காம்.பரிசு தரப் போறாங்களாம். நம்மள உடனே வர சொல்றான்.”“நான் மட்டும் போறேன் நீ ஒன்னும் வர வேண்டாம் படிப்பறிவு இல்லாத முண்டம் நீ. அங்க …

வெளிநாட்டிலிருந்து வந்த நிரஞ்சனாவும், அர்ஜுனும் அந்த பங்களாவின் அழகைப் பார்த்ததும் மயங்கினார்கள்.ஊர்க்காரர்கள் சொன்ன கதையெல்லாம் நம்பவில்லை. தேக்கு மர பர்னிச்சர்களுடன் சேர்த்து பங்களா விலைக்கு வாங்கும்போது கசக்கவா செய்யும் ..பூட்டு போட்டிருந்த அந்தக் கதவைத் திறக்க வேண்டுமென சொன்னதை அலட்சியப்படுத்தி விட்டுத் …

எல்லோரும் நலமுடன் வாழ வேண்டும்அன்பும் பண்பும் நிலைக்க வேண்டும்நாடு செழித்து வளர வேண்டும் இருப்பது ஒரே வாழ்க்கை ! 2.வாழ்க்கை அநித்தியம் என்று உணர்தர்மம் நிலைக்க பாடுபடு எப்போதும்பெரியோரை மதிக்கும் குணம் கொள் இருப்பது ஒரே வாழ்க்கை ! வறட்சியும் வெள்ளமும் …

தினேஷுக்கு இப்போதெல்லாம் தன் முகத்தைப் பார்ப்பதற்கே பிடிப்பதில்லை.ஜெயிலின் அந்த ஒப்பனை அறை கண்ணாடி மட்டுமல்ல, குளியலறை தண்ணீர் கூட, அவன் முகத்தை இப்படி விகாரமாகவே காட்டுகிறது.அவன் ரீமாவை காதலித்தபோது, அவளுடன் பூங்கா, தியேட்டர் எனச் சுற்றித் திரிந்தபோது, கைப்பேசியில் எடுத்த புகைப்படங்களை …

ஓவியக் கண்காட்சியில் ஒவ்வொரு ஓவியமாகத் தன் இடுங்கிய கண்களால் முகத்தைச் சுருக்கிப் பார்த்துத் தள்ளாடித் தள்ளாடி நடந்து வந்த சங்கரனின் கால்கள் ஒரு ஓவியத்தின் முன் நின்றது.‘அலங்கோலமான சிதைந்து போன முகம்…சிவந்த கண்கள்..நசுங்கிய மூக்கு,,’ இதை வரைந்தது ஒரு பெண்ணாகத்தான் இருக்கும். …

அந்த ஓவியக் கண்காட்சிக்குள் நுழைந்த உடனே இந்த ஓவியத்தைப் பார்த்த எல்லோருக்கும் மிகப் புதுமையாகப்பட்டது. கூட்டம் முழுவதும் அந்த ஓவியத்துக்கு முன்புதான் நின்று கொண்டிருந்தது.அயல் நாட்டவர் கூட்டம் முழுவதும் அந்தப் படத்தை ஆஹா ஓஹோ என்று பாராட்டிக் கொண்டிருந்தது.“இது பிரபல ஓவியர் …

“இது என்ன?”“இது… இது வந்து, கண்ணு.”“ஓ, சூப்பர். ஆனா ஒரு கண்ணு பெரிசா இன்னொன்னு சின்னதா இருக்கே?”“அவன் பயந்து இருக்கான். அதான்.”“இப்போ புரியுது. அந்த பயம்தான் அவனைச் சுத்தி கலர் கலரா இருக்குதுன்னு நினைக்கிறேன்.”“ஆமா ஆமா.”“அருமையா வரைஞ்சிருக்கே பாப்பா.” என்று சொல்லிவிட்டு …

மோசஸ் என்ற புகழ்பெற்ற ஓவியர் படுகொலை செய்யப்பட்டார். ஆனால் கொலை செய்தவன் பற்றிய துப்பு கிடைக்கவில்லை.சிறப்புக்காவல்துறை அதிகாரியான வியன், அந்த அறையைப் பரிசோதித்தான்.அவர் வரைந்த சிதைந்த முகம் கொண்ட ஓவியம், ஏனோ வியனின் கவனத்தை ஈர்த்தது.அவனது உதவியாளர் சண்முகம் “சார்.. ஏதோ …

ஸ்வேதா ஒரு கற்றல் குறைபாடு உள்ள பெண். மற்றவர்களைப் போலவே அவள் அம்மா, அப்பாவும் அவளது குறையை அறியாமலேயே அவளைச் சாதாரணர்கள் படிக்கும் பள்ளியிலேயே சேர்த்திருந்தனர்.மீச்சிறு மார்க் வாங்கிப் பத்தாம் வகுப்பு முடித்தாள்.அவள் பதினொன்றாம் வகுப்பு படிக்கும்போதுதான் அவள் வகுப்பாசிரியை அபிராமி …

எனக்கு சரசாவுடன் குடும்பம் நடத்துவது அவ்வளவு சுலபமாக இருக்கும் போதே தோன்றவில்லை. அவள் எதற்கெடுத்தாலும் சிடுசிடு வென்று விழுகிறாள். இதற்கெல்லாம் காரணம் மூன்றாவது குழந்தை பிறந்ததுதான். மூன்றாவது குழந்தைப் பிறக்குமென்று அவள் முதலில் நம்பவில்லை. அது தெரிந்தவுடன் அவள் நடவடிக்கை மாறத் …

வகுப்பறையில் ஒரு ஓவியம் மாட்டப் பட்டிருந்தது. அந்த ஓவியத்தைப் பார்த்ததும் ஓவியக் கல்லூரி மாணவி காவ்யாவின் மனதில் ஏதோ வித்தியாசமான உணர்வு ஏற்பட்டது.பல வண்ணங்களில் அந்த ஓவியம் வரையப் பட்டிருந்தது. அந்தப் படத்தில், ஒரு ஆணின் முகமும், அருகில் ஒரு பெண்ணின் …

ஐந்து வயது சிறுவன் நிகில் மும்முரமாக எதையோ செய்து கொண்டிருந்தான். அவன் அம்மாவிற்கு ஆச்சரியம். எப்போதும் பேட்டும் பாலும் எடுத்துக் கொண்டு வெளியே கிளம்பி விடுவான். ஒரு இடத்தில் உட்கார மாட்டான். பள்ளிக்கூடத்திலும் அவனைப் பற்றி புகார். அட்டேன்ஷன் ஸ்பான் ரொம்ப …

வீட்டின் அமைதி ஷியாமை நெரித்தது. ராதிகா காபியைக் கொண்டுவந்து வைத்தஓசை கூட இடிபோலக் கேட்டது.“என்னாச்சுங்க? ஆபீஸ்ல இருந்து வந்ததுல இருந்தே பிரமை பிடிச்ச மாதிரி இருக்கீங்க?”ஷியாமின் தலைக்குள் எண்ணங்கள் ஒன்றுடன் ஒன்று முட்டி மோதின. அவனது பார்வை எதிரேஅமர்ந்திருந்த ராதிகா மற்றும் …

“அழகா சாவி போட்டு வீட்டைத் திறந்து நகையெல்லாத்தையும் திருடிட்டு போய்ட்டான்” சீதாப்பாட்டி இன்ஸ்பெக்டரிடம் புலம்பிக் கொண்டிருந்த போது அப்புசாமி அவசரமாக பால்கனிக்குப் போனார். “பொம்மக்காரி வந்துட்டாளாக்கும் ஜொள்ளுவிட்டுட்டு பார்க்கப் போயிட்டாரு” சீதாப்பாட்டி கடுகடுத்தாள். இன்ஸ்பெக்டரும் எட்டிப் பார்த்தார் கூடையில் பொம்மைகளை வைத்துக்கொண்டு …

இடுப்பில் சூலக் கையோடு பாப்பா. தலையில், பொம்மைகள் நிறைந்த கூடை. மாட வீதியில் மனோன்மணி.இடப்புறமா சத்திரத்து ஏழைகளும் ,வலப்புற மாடிவீட்டுப் பணக்காரர்களும், வாங்க போவதில்லை.அடுத்தது கிழக்குத்தெரு. பண்டிகைகள் எல்லாம் பார்த்துப் பார்த்துக் கொண்டாடும் நடுத்தரவர்க்கம்.கிருஷ்ண ஜெயந்திக்கு வீட்டை அலங்கரித்தும், வெண்ணெய்யும், சீடையும் …

கல்கத்தா நகரில் குமார்டுலியில் இருந்து பெரிய பஜார் வரைக்கும் லட்சுமி தினமும் நடக்க வேண்டும்.தலையில் பொம்மைக் கூடை, இடுப்பில் மகள் குட்டி மீனா.அன்று புரட்டாசி மழைக்குப் பிறகு தெருவெல்லாம் சேறு. கூடையில் ஆறு துர்கை சிலைகள்,நேற்று முழுக்க வண்ணம் பூசியவை. ஒவ்வொன்றும் …

கூடை நிறையப் பொம்மைகளை வைத்துக் கொண்டு தனக்குள் பேசியபடி மகன் மாதவனையும் கூட்டிக் கொண்டுமகளிர் குழு தலைவி வீட்டிற்கு நடந்தாள் ராசாத்தி.” இந்த முறை மகளிர் குழு தலைவி பொம்மை செய்யப் பெரிய ஆர்டர் தந்தால் பிரச்சனை தீரும். “குழந்தை மாதவனைப் …

வனஜா ஒரு பொம்மை வியாபாரி. நவராத்திரி காலங்களில் மட்டும் பொம்மை விற்பவள்.விரைவில் தொடங்க இருக்கும் நவராத்திரிக்குப் பொம்மைகளைத் தூக்கிக்கொண்டு நகரத்துக்குச் சென்றுபொம்மைகளை விற்கக் கிளம்பி விட்ட வனஜாநகரத்து வீதிகளில் நடந்து செல்கிறாள் . இடுப்பில் இருக்கும் இரண்டு வயதுக் குழந்தை,’அம்மா பசிக்குது …

ருக்மணி கூடைல வைக்கல் பரப்பி பொம்மைகளை அழகா அடுக்கினா,ஒவ்வொரு பொம்மைக்கும் நடுவே பேப்பர் கட்டிங்குகள்.ஒண்ணுக்கொண்ணு உரசி கலர் போகாம இருக்கணுமே. பானு தூங்கிட்டிருக்கா, முனியன் காலைலயே கட்டிட வேலைக்கு புறப்பட்டுபோயிட்டான். செலவு போக (வேற என்ன செலவு குடிதான்)கொண்டு வந்து கொடுக்கற …

அருகில் படுத்திருந்த காஞ்சனா எழுந்து அமர்ந்திருப்பதைத் தூக்கத்தில் புரளும்போது பார்த்த கணவர் சதாசிவம், “என்னாச்சும்மா, தூக்கம் வரலையா? மறுபடியும் அதே கனவா? என்று ஆதரவாகக் கேட்டார்.அழுதிருந்த கண்களைத் துடைத்தபடி, “ஏங்க நாளைக்கு நாம் கோயிலுக்குப் போகலாமா? யாரோ ஒரு புது சாமியார் …

“பிடி.. பிடி.. பிடிங்க அவனுகளை!” இடுப்பில் குழந்தையுடன் பொம்மைகள் கூடையைச் சுமந்துகொண்டு, வீட்டுக்குத் திரும்பிக் கொண்டிருந்த கமலிக்குப் பின்னால் சத்தம் கேட்டது. அவளை இடித்துத் தள்ளிக்கொண்டு இரண்டு பேர் வேகமாக ஓடினார்கள். பின்னால் அவர்களைத் துரத்திக்கொண்டு இரண்டு காவலர்கள் ஓடினார்கள். தெருவே …

ஒவ்வொரு நாளும் அந்தப் பெண் தலையில் சாமி சிலைகள் நிறைந்த கூடையுடன், குழந்தையை இடுப்பில் தூக்கிக்கொண்டு அதே தெருவில் நடந்து செல்வாள். ஒருநாள் அந்தத் தெருவில் நடந்த கொலை வழக்கை விசாரிக்க போலீஸ், அங்கிருந்த CCTV காட்சிகளைப் பார்க்கிறார்கள்.அதில் ஒரு விஷயம் …

இள மீனாள் சும்மாட்டின் மேல் பொம்மை கூடையை தூக்கி வைத்தாள். சுப்பையா, ” ஞாபகம் இருக்கில்லம்மா? பொம்மைகளுக்கு நான் சொன்ன விலைக்கு மேல் உன் சாமர்த்தியம் போல் வித்துக்க. அதுல நான் இடை பட மாட்டேன். ஒரு பொம்மைக்கு நான் இருபது …

துர்க்கை,சிவன் பார்வதி, ராணி என பலவித பொம்மைகளை வரிசையாக எடுத்து கூடையில் அடுக்கினாள் வடிவு. நான் தான் கூடையை சுமப்பேன் என பிடிவாதம் செய்த குழந்தை கையில் பிளாஸ்டிக் சூலாயுதத்தை கொடுத்து சமாதானம் செய்தாள். “முந்தானை எடுத்து இடுப்பில் சொருகினாள் கூடவே …

“ஏம்மா..இவ்வளவு பொம்மைகளையும் விற்றால்,உனக்கு எவ்வளவு கிடைக்கும்?” என்றார் அவர். “மொத்தமும் வித்துப் போச்சுன்னா..இதை விற்க கொடுத்த முதலாளி எனக்கு ஆயிரம் ரூபாய் கொடுப்பார்” அதற்குள் அவள் இடுப்பில் இருந்த குழந்தை..”அம்மா..இன்னைக்காவது எனக்கு விளையாட நான் கேட்ட பொம்மை வாங்கித்த தர்றீயா?” என …

“என்னோட பேரு வள்ளி. ரோட்டோரம் ஒரு கூடாரம் போட்டு நானும் என் புருஷனும் வாழ்ந்துகினு இருக்கோம். இந்தக் கூடைல இருக்கிற பொம்மைங்களை என் புருஷன் செஞ்சுத் தருவாரு. நான் போயி வித்துட்டு வருவேன். என்னோட புள்ளை மீனாட்சியும் கையில ஒரு சூலத்தை …

கண்மணி பொம்மை விற்பவள். கணவன் நோய்வாய்ப்பட்டு இருக்கையில், அவளுக்கு தெரிந்த ஒரே குடும்ப தொழில் மண் பொம்மைகள் செய்வது விற்பது தான். அவளை நம்பி கைக்குழந்தை விசாலினி வளர்ந்து வருகிறாள். விடிகாலை ஆறு மணிக்கே கூடையில் விதவிதமான தெய்வ பொம்மைகளை சுமந்து …

தேன்மொழி பத்திரமாக பொம்மைகளை கூடையில் கிடத்தினாள். நாலைந்து பொம்மைகளை மட்டும் தலை வெளியே தெரியும் படி கூடையில் நிறுத்தினாள். அவள் பார்த்து பார்த்து செய்தவை. அவள் உணர்வுடன் கலந்தவை. அவள் அவற்றை பொம்மைகளாக பார்க்கவில்லை. “கிருஷ்ணா உன் ராதை வந்திருக்கேன் பாரு” …

தலையில் கூடை நிறைய மண் பொம்மைகள். இடுப்பில் அவளுடையஉயிருள்ள பொம்மை, கையில் சூலத்துடன்.அவள் வருவதையே பைக்கில் அமர்ந்தபடி அவன் கவனித்துக் கொண்டிருந்தான்.ஏற்கனவே விலை கேட்பதுபோல் அவளுக்குத் தெரியாமல் கூடையில்பொம்மைகளுக்கு அடியில் வெடிகுண்டைத் திணித்திருந்தான்.அவன் கையில் ரிமோட். அதிலிருக்கும் சிவப்பு பட்டனைத் தட்டினால்அந்தப் …

“பொம்மை வாங்கலையா அம்மா,பொம்மை!”குரல் கேட்டு சட் என எழுந்து முன் கதவைத் திறந்து பார்த்தாள்.சின்ன வயது பெண் தலையில் மூங்கில் பின்னிய கூடை நிறைய வண்ண வண்ண பொம்மைகளோடு இடுப்பில் நாலு அல்லது ஐந்து வயதுக்குள் இருக்கும் ஒரு பெண் குழந்தை …

மண்டையைப் பிளக்கும் உச்சி வெயில்! சரளா தலையில் சுமக்கும் கூடையிலிருந்த பொம்மைகளின் மண்டைகளும் சுடுகின்றன. ஆனால் இது கோபத்தினால் வந்த சூடு. சரளாவிற்குக் காலையிலிருந்து ஒரு பொம்மையும் விற்கவில்லை. இடுப்பில் அமர்ந்திருந்த பிரியாவின் கையில் பொம்மை சூலம், வயிற்றிலோ தீயாய்ப் பசி. “பிரியா, அது என்னுடைய சூலம், கொடுத்துடம்மா” தடித்த குரல் கொஞ்சலாகக் கேட்டது.  கூடையிலிருந்து பார்வதியுடன் நிற்கும் சிவனின் கண்களில் கெஞ்சும் பார்வை. “ம் ஹூம், குடுக்க மாட்டேன். எனக்கு வயித்தப் பசிக்குது” “ஏய் பிரியா, அது என்னோட சூலம். குடுக்கப் போறயா இல்லையா?” மிரட்டியது எட்டுவித ஆயுதங்களுடன் எட்டு கைகளையும் விரித்து நிற்கும் காளி. “முடியாது. காலைலேர்ந்து நானும் அம்மாவும் ஒண்ணும் சாப்பிடல. பசிக்குது. குடுக்க மாட்டேன்” கையில் கெட்டியாக சூலத்தைப் பிடித்துக்கொண்டு, பிரியா யாருடன் பேசுகிறாள்? சரளாவுக்குப் புரியவில்லை. பசியினாலோ, வெயிலினாலோ இருக்கலாம் என்றெண்ணியவாறு, புடவைத் தலைப்பால் குழந்தையின் தலையைப் போர்த்தினாள். “சரி, சூலத்தைத் தர்றேன். ஆனா, யாரு மொதல்ல கூடையிலிருந்து விலைக்கு வெளியே போகிறீர்களோ, அவங்களுக்குத்தான் தருவேன்” கறாராகச் சொன்னாள் பிரியா. ஆயுதத்தின் மகிமையறிந்த குழந்தை போலும்! ‘சட்’டென்று ஒரு குலுக்கல். சரளா சுதாரிக்குமுன் கூடையிலிருந்த அத்தனை பொம்மைகளும் மறைந்துவிட்டன. பிரியாவின் கையிலிருந்த சூலத்தையும் காணவில்லை! சரளாவினால் நம்பவே முடியவில்லை. அவள் இடுப்பிலிருந்த சுருக்குப் பை நிறையப் பணம்! 140 words

“அம்மா, வீட்டுல ஒரே போர் அடிக்குது. இன்னைக்கு நானும் உங்க கூட பொம்மை விற்க வர்றேன்.”சிறுமியின் ஆசையைக் கலைக்க மனமில்லாமல், “வா சியாமா, ஆனா ரொம்ப தூரம் நடக்கணுமே, முடியுமா உன்னால்,” என்று கேட்டபடியே கூடையைத் தூக்கிக் கொண்டாள் புவித்ரா.வாளிப்பும், வனப்பும் …

கீதாவின் கணவன் லட்சுமணன் குடியினால் தன்னையும் அழித்து, தன் குடும்பத்தையும் கஷ்டப்படுத்துவான். குழந்தை பசியினால் துடிப்பதைக் காணச் சகிக்காது   கீதா அந்தந்த மாதத்திற்கு ஏற்ப பூஜை சாமான், காய்கறி,கொலு பொம்மை, அகல் என விற்று அதில் வரும் பணத்தால் குழந்தையைப் பசியிலிருந்து காப்பாற்றுவாள். அவள் அழகிற்கு எந்த சேலை உடுத்தினாலும் பேரழகியாகத் தான் இருந்தாள். நவராத்திரி நேரம் பொம்மை  விற்க போகும்போது அவள் மகள்” அம்மா நானும் வாரேன் “என அடம் பிடித்தாள். அவளையும் இடுப்பில் வைத்துக் கொண்டு சென்றாள். எல்லா கடவுள் பொம்மைகளும் அவள் கூடையில் இருந்தன. வழியில் ஒரு பாட்டி சாமி பொம்மைகளை வாங்கும் போது “ஏண்டி பிள்ளை கையில் சூலாயுதம் கொடுத்திருக்கிறாய்”,எனக் கேட்க  ” பொம்பளைங்க அவர்களை எதிர்ப்பவர்களை அழிக்கும் துர்கையாக மாறுவார்கள் பாட்டி என் மகளும் ஒரு துர்க்கை தான்” என்றாள்.பேசிக் கொண்டிருக்கையில், “நேரம் ஆயிற்று வீட்டிற்குப் போய் இரவு சமையல் வேலை செய்ய வேண்டும்” என வேகமாக வீட்டை பார்த்து நடந்தாள்.மேகம் இருண்டது. இடி இடித்தது. திடீரென மின் வெட்டு. எங்கும் இருட்டு எதிரில் வருபவர்கள் நிழலாகத் தான் தெரிந்தார்கள். கூடையில் இருக்கும் கடவுள்களை வேண்டிக்கொண்டு வேகமாக நடந்து கொண்டிருக்கும்போது  இரு கைகள்  அவளை சுற்றி அணைப்பது போல் இறுகப்பற்றவே, “யாரது விடு. வீட்டிற்குப் போக வேண்டும்” எனக் கத்தினாள். ஏன்மா பொம்மையில் கிடைக்கின்ற லா பத்தை விட அதிகமாகவே கொடுக்கிறேன். என்றார். இனியும் கரண்ட் வரவில்லை. அவளால் நடக்கவும் முடியவில்லை. பிடி இறுக்கமாகவே, விடுய்யா  என கத்தினாள்.திடீரென “அய்யோ  என் கண் போச்சே” என அவன் கத்தவும் கரண்டு வரவும் சரியாக இருந்தது.இடுப்பில் இருந்த பொன்னி சூலாயுதத்தை அவன் மேல் குத்த, அது நேராக அவன் கண்களில் இறங்கிற்று. 185 words

கிட்டத்தட்ட பத்து வருடமாகக் கொலு பொம்மை விற்கிறாள்.  “இந்த ராமரு செட் வாங்கி வை.  அயோத்தியே ஓன் வீட்டுக்கு வந்துட்ட கணக்காயிடும்” “இந்தோ இந்த துர்கை,லெட்சுமி, பார்வதி செட் வாங்கு.  எம்புட்டு  சொகமா இருப்பன்னீட்டு” “அன்ன பூரணிய பாரு.  அம்புட்டு பேருக்கும் படியளக்கறா” ஒவ்வொரு பொம்மைக்கு ஒவ்வொரு கதை சொல்லுவாள். “எடும்மா, பாத்துப் போட்டுத் தறேன் என்று விலையை ஏற்றி, பின் இறக்கி நம்மை ஆட்கொண்டு விடுவாள். “மம்மா.. கொஞ்சம் வாங்கமா” மல்லி குரல் கொடுத்தாள். …

“கமலா.! வாசலில் எதோ சத்தம் கேட்கிறது. என்ன என்று பாரு.” என்று மருமகளைக் கூறினார். மருமகள் “அத்தை.. பொம்மை விக்கற பொண்ணு.” “கூப்பிடு.” “பொம்மை” என்று அழைத்ததும் வந்தாள் ஒரு இளம் வயது அழகான பெண். இடுப்பில் ஒரு பெண் குழந்தை. தலையில் விதவிதமான மண் பொம்மைகள். கூடையை இறக்கி வைத்தாள். “குழந்தைக்கு எதற்கு சூலம்?” “பாட்டி. நான் பொம்மை விக்கறதே வயிற்றுப் பசியைப் போக்கத்தான். சில இடங்களில் தப்பான ஆட்களும் இருக்காங்க. அவங்களை சமாளிக்கத்  தான் சூலம்.  ஒரு முறை என்னைத் தற்காத்துக் கொள்ள சூலத்தைத் தான் எடுத்தேன். அன்றில் இருந்து சூலத்துடன் தான் வெளியே வருகிறேன். எம் பொண்ணுக்கு சூலத்தைக் கொடுத்து தைரியத்தை தந்திருக்கிறேன். அதனால யாரும் எங்கிட்ட வம்பு பண்ண வருவதில்லை.” “நீ நல்ல கெட்டிக்காரி. எல்லா பொம்மைகளும் அருமையாக இருக்கு. இந்தா பொம்மைகளுக்குக் காசு. சாமார்த்தியமா மானுஷங்களைச் சமாளிக்க தெரிஞ்சுகிட்ட.  தைரியமான ‌பொண்ணு. உன்னைப் போல எல்லா பெண்களும் இருக்கணும். உன்னைப் பற்றி நான் கதையா எழுதறேன்.”  “தாராளமா எழுதுங்க. சரி மா வர்றேன்.” ஒவ்வொரு பெண்ணும் காளியின் மறு உருவம். தற்காத்துக் கொள்ள சூலத்தை ஏந்த வேண்டும். 126

நவராத்திரி விழா வரும் சமயமென்பதால், கடவுள் உருவ பொம்மை விற்பனை செய்யக் கிளம்பினாள் பொம்மி. தலைச்சுமை போக, இடுப்புச் சுமையாகக் குழந்தையையும் தூக்கிக்கொண்டு கிளம்பினாள். “பொம்மையை விட நீ அழகா இருக்கே. தனியா ஊர் முழுசும் சுத்துற, காலம் கெட்டுக் கிடக்கு. கவனமா இரு.”  பக்கத்து வீட்டுக் கோமதி பாட்டி சொன்னதில் கரிசனமும், கவலையும் தெரிந்தன. “நான் எங்க தனியா இருக்கேன்? இடுப்புல இருக்கிற …

     சரஸ்வதி பூஜை நெருங்குதேன்னு  பொம்மை வாங்க மயிலை மாடவீதியில் நடக்க ஆரம்பித்தேன். சிவப்பு வெளுப்பு சங்கு வளையல்கள் அணிந்த வங்க அழகி ஒருத்தி  கடவுளர்களை விற்றுக் கொண்டிருந்தாள். பக்கத்துக் கடைகளில் விற்பதைக் காட்டிலும் தரையில் விற்கும் அவளிடம் ஒவ்வொரு பொம்மையும் …

சிவப்பு நிற க்ரேட்டா கார் அந்த பிரம்மாண்ட அரங்கத்தின் வாசலில் வந்து நின்றது. முக்கா பேண்ட், சிவப்பு மெகா ஸ்லீவ் டீ ஷர்ட் அணிந்திருந்த நவ்யா கீழே இறங்கினாள். கத்தரிக்கப்பட்ட முடியைத்  தூக்கிச் செருகி ஒரு க்ளிப் போட்டிருந்தாள். ‘க்ளக்,க்ளக்’ என …

ஏ ஐ தொழில் நுட்பம் கொண்டு வரைந்த படத்தை வைத்த கண் வாங்காமல் பார்த்துக் கொண்டிருந்தான் ரமேஷ். ரம்பை, ஊர்வசியை சினிமாவில் மட்டுமே பார்த்ததுண்டு. இப்போது விதம் விதமாக ரம்பைகளை உருவாக்கலாம். அந்தப் பெண்ணின் இடுப்பில் இருந்த மூன்று வயது பெண் குழந்தை தெய்வாம்சம் பொருந்தி இருந்தது. இத்தனை மண் பொம்மைகளையும், ஒரு பெண் குழந்தையும் எப்படி இவளால் சுமக்க முடியும்?           தேவலோகத்திலிருந்து பார்வதி தேவியே மண்ணுலகத்திற்கு இறங்கி  வந்து விட்டாளோ! சினிமா டைரக்டரான ரமேஷிற்கு ஒரு ஐடியா தோன்றியது. இதே மாதிரி பல  படங்களை ஏ ஐ தொழில் நுட்பம் கொண்டு உருவாக்கி ஒரு அனிமேஷன் படம் தயாரித்தால் சூப்பர் டூப்பர் சக்சஸ் ஆக வாய்ப்பு அதிகம். அவன் அப்பாவே சினிமா டைரக்டர் ஆனதால் பணப்  புழக்கம் அதிகம். உடனே தன்னுடைய கோ டைரக்டரை அழைத்து பேச முடிவு செய்தான்.    “சிவா, நான்தான் ரமேஷ் பேசறேன். வாட்ஸ்அப்ல உனக்கு ஒரு படம் அனுப்பறேன். இதைப் பற்றி உன்னோடு டிஸ்கஸ் பண்ணனும். இன்னிக்கு  மாலை ஐந்து மணிக்கு என் வீட்டுக்கு வா” என்றான். ” ஷூவர் டா, ஐ வில் கம்” என்றான் சிவா. இந்தப் படம் எடுத்து மிகப் பெரிய அளவில் வெற்றி பெற்று, தானும் தன் அப்பா மாதிரி ஒரு பெரிய  கோடீஸ்வரன் ஆகும் கற்பனையில் தன் காதலி மாலினியைப் பார்க்க ராயல் என்ஃபீல்ட்  புல் லட்டில் பறந்தான் ரமேஷ். 152

கஸ்தூரிக்கு மேலெல்லாம் வலித்தது. இந்த வலியோடு பாரம் சுமக்கணும் என்ற நினைப்பே கசப்பாக இருந்தது. வலியைப் பார்த்தால்  குழந்தையின் வயிற்றை நிரப்பமுடியாது என்று நினைத்தவள்,  வலியைப் பொறுத்துக் கொண்டு,  பொம்மைக் கூடையைத் தலைக்கேற்றினாள். “பொம்மை வாங்கலியோ பொம்மை”   கூவிக்கொண்டே வந்தாள். தலையில் …

“மேடம், கொஞ்சம் நடங்க மேடம்,” “முடியாதுப்பா..இந்தப் படமே வேண்டாம். நான் நடிக்கவே இல்லை..” அவள் தூக்கிக் கொண்டிருந்த குழந்தை அழ ஆரம்பித்தது. குழந்தையின் உண்மையான அம்மா குழந்தையை நடிகையிடமிருந்து வாங்கிக் கொண்டாள்.  நடிகை பெருமூச்சு விட்டாள். பொம்மையை விற்க எப்படி இந்தப் பெண்கள் குழந்தையைத் தூக்கிக்கொண்டு போகிறார்கள் என்று ஆச்சரியமாய் இருந்தது நடிகைக்கு. எப்படியோ சமாளித்து விட்டாள் நடிகை. படம் ரிலீசு ஆகிப் பல நாட்கள் நல்ல வசூல். பத்திரிகைக்காரர்கள்  கொலு பொம்மைகளுடன் குழந்தையையும் தூக்கிக் கொண்டு போகிற காட்சி பிரமாதம் என்று புகழ்ந்து தள்ளிவிட்டார்கள். அந்தப் படத்தை டைரக்ட் செய்தவருக்கு அந்தக் காட்சியை எடுத்தபோது நடிகையின் வசவுகளை எவ்வளவு தாங்கிக் கொண்டார் என்பது யாருக்குத் தெரியும்? 77 

“உஸ்.. அப்பாடா என்னமா இருக்கு, சென்னை வெயில்?” “ஏன், என் சக்களத்தி கங்காதேவி கூட வரலையோ? ஐயாவை எப்பவும்  குளு குளு..ன்னு வச்சுப்பாளே?” “அவள வம்புக்கு இழுக்கலைனா, உனக்குப் பொழுதே போகாதே. அந்த கொழந்தையக் கவனி. பசியோடு வருது. என்னை மாதிரி கையில, ஒரு சூலத்தை வேற கொடுத்து, சுமக்க வச்சிட்டாங்க, பாவம்” “அதுக்கு ஏற்பாடு பண்ணிட்டேன். அடுத்த தெருவுல ஒரு பாட்டி திண்ணைல வச்சு சோறு கொடுக்கும். அப்படியே நீங்களும் கொஞ்சம் வெயில் தாழ உக்காரலாம். குளிர் பிரதேசத்துக்காரர் ஆச்சே. என் புருஷன் கருத்துப் போயிடக்கூடாது இல்லியா?” “அக்கறை..னா அன்னபூரணிதான்! என் பெண்டாட்டியாச்சே” “கன்னத்தைக் கிள்ளாதீங்க. நல்லவேளை நம்ம பசங்களும் கூ(டை)ல வரல” என்றாள் பார்வதிதேவி வெட்கத்துடன். 80 WORDS

தெருவில் பொம்மை விற்கும் சத்தம் கேட்டு, வாசலில் எட்டிப் பார்த்தாள் மங்களம். இடுப்பில் குழந்தையுடன், தலைமேல் பொம்மை கூடையுடன் நடந்து வந்து கொண்டிருந்தாள் கலா. காலையிலிருந்து பொம்மை விற்பதால் மிகவும் சோர்ந்து போனாள். குழந்தையை மங்களம் வீட்டுத் திண்ணையில் உட்கார வைத்துவிட்டு, பொம்மை கூடையையும் இறக்கி வைத்தாள். அம்மா “குடிக்கக் கொஞ்சம்  தண்ணி குடுங்க , ரொம்ப தாகமா இருக்கு” என்றாள். மங்களம் சொம்பில் தண்ணீர் கொண்டு வந்து கொடுத்தாள். என்ன பொம்மை இருக்கு ?என்று கேட்டுக்கொண்டே கூடையைப் பார்த்தாள். அவளுடைய கண்கள் அந்த குட்டி தவழ்ந்த கிருஷ்ணன் பொம்மை மீது பட்டது. “அந்த பொம்மை வேணும் மாம்மா,50 ரூபா தான் எடுத்துக்கோங்க” என்றாள் கலா. உனக்கு எத்தனை குழந்தைமா? மூணு குழந்தைங்க மா .ரெண்டு ஸ்கூலுக்கு போயிருக்கு இது சின்னது இதையும் தூக்கிக்கிட்டு தெருத்தெருவா சுத்த வேண்டியிருக்கு. என்ன செய்யறது? “சரி சரி இந்த கிருஷ்ணர் பொம்மையை உன் கையால கொடு. உன்னோட கைராசி அடுத்த வருஷம் எங்கள் வீட்டிலேயும் குட்டி கிருஷ்ணன் தவழட்டும்.”என்றாள் மங்களம். கலா, கிருஷ்ணர் பொம்மையை எடுத்துக் கொடுத்தாள். பொம்மையை வாங்கிய மங்களம் கண்ணை மூடி பிரார்த்தனை செய்தாள். அவள் கண்ணைத் திறந்து பார்த்தபோது கையில் சூலத்துடன் அம்மனாக தெரிந்தது, திண்ணையில் உட்கார்ந்திருந்த கலாவின் சின்ன குழந்தை. 141 WORDS

செல்வன் ஒரு YouTube சேனலில் வேலை செய்து வருகிறான், அவனுடன் உரையாடும் அவன் நண்பன், “இன்றைக்கு என்னடா புதுசாசொல்லபோற?” என்று கேட்டான்.“இன்னைக்கு வரும் வழியில ஒரு புகைப்படம் ஒன்னு பார்த்தேன். அது என் கண்களிலே நிற்கிறது. அதைப் பற்றி நான் சொல்ல …

      யாரு என்ன சொன்னா என்ன?  நான் அவரோடு சேர்ந்து போயிட முடியாதில்ல. குடி.. குடி.. குடிச்சி குடிச்சே போய்ச் சேர்ந்திட்டார்.     நமக்கு இது வேண்டாம் மாமா. நமக்குன்னு ஒண்ணு அழகா பொறந்திருக்கு. குடிக்காதே மாமான்னு எத்தனை வாட்டி தலைப்பாடா அடிச்சிருப்பேன். கேட்டிருக்கலாம்ல்லா.     என்னைக் கூட்டிட்டு போய் வைச்சிக்கிடுவதற்கு அம்புட்டு யோசனையா? மூழியை வீட்டுக்குள்ளே வைச்சிக்கிட முடியுமான்னு சாம்பல் கரைச்சிட்டு வந்ததுமே பேச ஆரம்பிச்சிட்டாங்களே.    உனக்கு கைப் பொம்மைல்லாம் செய்ய வருமே, அதை ஏன் செய்ய மாட்டேங்கே? என்று நீ அடிக்கடி கேப்பியே மாமா. இதுக்குன்னு தெரியாமப் போச்சே மாமா.    கைக்குழந்தை வாசவிக்கு அழகழகாய் குட்டிக் குட்டிப் பொம்மைகள் இருக்கு. ஆனா பாரு அம்மன் கைல இருக்கச் சூலாயுதந்தான் வேணும்ன்னு ஒரே அடம்.         குழந்தை வேலப்பருக்கு ஆத்தா கொடுத்ததைப் போல நானும் கொடுத்தேன். இப்போ என் இடுப்புல இருக்கிற அவ தனக்கென்று ஒண்ணு வந்தா கொற்றவையா மாறிடமாட்டாளா என்ன?    ‘பொம்மை.. பொம்மை, கைப்பொம்மை’ என்று கூவிக்கொண்டே போகிறாள் வசந்தி.    தலைச்சுமை மண் பொம்மைகள் அங்குமிங்குமாய் ஆடாமலிருக்க வைச்சிருக்கிற தாளின் சலசலப்பை மீறித் திமிறி நின்று உலகைப் பார்த்து ஏளனம் செய்தன.  121 words

. “இந்த ஓவியம் மிகவும் அர்த்தமுள்ளது ராகவ்.” “. ஓவியம் சொல்லும் செய்தி?” “ஒரு சாதாரண ஏழைத் தாய். தலையில் கடவுள் சிலைகள் நிறைந்த கூடை. இடுப்பில் தன் குழந்தை.ஆனால் அந்த குழந்தையின் கையில் சூலம்.” “இதன் அர்த்தம் என்ன ? …

​உச்சி வெயிலில் சுட்டெரிக்கும் தார்ச்சாலையில், பகல் முழுவதும் அவள் கால்கள் ஓயாமல் நடக்கின்றன. ​நவராத்திரி முடிந்தால் துடைப்பமும் பாயும் விற்றுதான் வாழ்க்கையை ஓட்ட வேண்டும். குடிநோயால் மூலையில் உருளும் கணவனின் போதைக்கும், இடுப்புக் குழந்தையின் பசிக்கும் அவளது உழைப்பே ஆதாரம். தனக்கென …

சிறு கிராமத்து வீடுகள் நிறைந்த வீதியில் மெல்லிய சூரிய வெளிச்சம் பரவியது. தலையில் வண்ணம் தீட்டப்பட்ட துர்கா விக்கிரகங்கள் நிரம்பிய மூங்கில் கூடையை நேர்த்தியாகச் சுமந்துகொண்டு விரைவாக நடந்தாள் கௌரி. அவளது இடுப்பில் அமர்ந்திருந்த ஐந்து வயது மகள் அனன்யா, கையில் …

ஒரு கிராமத்தின் பழமையான குறுகிய சந்துகளில் காலைப் பனி மெல்ல விலகிக் கொண்டிருந்தது. தலையில் வண்ணம் தீட்டப்பட்ட துர்க்கை மற்றும் பரிவாரச் சிலைகள் நிறைந்த கனமான மூங்கில் கூடையைச் சுமந்துகொண்டு வேகமாய் நடந்தாள் சுமித்ரா. இடுப்பில் அவளது நான்கு வயது மகள் …

“பொம்மை வாங்கலையோ பொம்மை..!”கோகிலாவின் இனிய குரல் அந்தத் தெரு முழுக்க ஒலித்தது. நவராத்திரி வந்து விட்டால் தெய்வச் சிலைகளைக் கூடையில் வைத்து உயிருள்ள சிற்பம் போல நடந்து வரும் கோகிலாவிடம் எல்லோருமே பொம்மை வாங்கப் போட்டி போடுவார்கள். அந்தளவுக்கு உயிரோட்டமான பொம்மைகள் …

பொன்னியின் கையில் திரிசூலத்தைக் கொடுத்ததும் குஷியாகி விட்டாள். தலையில் பொம்மைக் கூடை, இடுப்பில் பொன்னி என்று நகர்வலம் கிளம்பி விட்டாள் வள்ளி. “பொம்மை வாங்கலியோ பொம்மை” வீடுகளுக்குள் மனிதர்கள் தொலைக்காட்சி, கைபேசி பொம்மைகளுக்குள் அடிமைப்பட்டிருந்தார்கள். எட்டிப் பார்த்த ஓரிருவரும் இல்லாத பொம்மையைக் …

சிறுகதை: முருகனின் ஆசை அப்பாவோடு வண்டியில் போகும்போது, வழியில் ஒரு கடையில் இந்த பிள்ளையார் படம் தொங்கிக் கொண்டிருப்பதைப் பார்த்தான் முருகன். ” அப்பா, அப்பா, வண்டிய அந்தக் கடைக்கு விடுப்பா, எனக்கு அந்த பிள்ளையார் படம் உடனே வேணும்” என்றான் …

இந்த படம் ஒரு மிகப்பெரிய கலைக்கூடத்தில் விற்பனைக்கு இருந்தது. அங்கும் இங்குமாக பார்வையாளர்கள் மற்ற படங்களை பார்த்து ரசித்து வாங்கினர். ஆனால் ஒரு பத்தாம் வகுப்பு மாணவன் இந்த படத்தின் முன் நின்றபடி ரசித்துக்கொண்டிருந்தான். ஒரு முதியவர் அவனிடம் “என்ன? இதை …

ரஹீம் பாயின் கறி கடைக்கும், கணேசய்யரின் டிபன் கடைக்கும் இடைப்பட்ட இடம், மாணிக்கத்தின் பூர்வீக சொத்து. கால் கிரவுண்டுக்கும் கொஞ்சம் குறைவு. வீடு கட்டவும் போதாது, வேறு கடை கட்டி, தொழில் செய்யவும் தெரியாது மாணிக்கத்துக்கு! விற்று விடலாம் என்றாலோ, ரஹீம் …

தெரு முனையில் பிள்ளையார் கோயில். பிள்ளையாரைச் சுற்றி ஆலமரம். சக்தி அங்கே நின்று கொண்டு வேண்டிக் கொள்வான். மனம் உருகி. அவன் பிரார்த்தனை எல்லாவற்றையும் விநாயகர் செவிசாய்த்து நிறை வேற்றுவதாக அவனுக்கு நினைப்பு. அது ஓரளவு உண்மையும் கூட. ஒரு முறை ஸ்மார்ட் வாட்ச்சை எங்கோ வைத்துவிட்டான். பிள்ளையாரை வேண்டினான். உடனே கிடைத்து விட்டது.  இன்னொரு நாள் முகத்தில் போட்டுக்கொள்ளும் கண்ணாடி. ஒரு கல்யாணத்திற்குப் போகும்போதுதான் தேடினான். கிடைக்கவில்லை. அன்று கண்ணாடி இல்லாமல்  கல்யாணத்திற்குப் போனான். ஆனால் அடுத்தநாள் கிடைத்து விட்டது. இப்படி சின்ன சின்ன விஷயங்களைப் பிள்ளையாரிடம் வேண்டிக்கிறான். நடந்து விடுகிறது. இப்போது மேஜரா ஒன்றை வேண்டி கொண் டிருக்கான்.   பக்கத்து வீட்டிலிருக்கும் மாலினியைக் காதலிக்கிறான். காலையில் எழுந்தவுடன் தெருவில் அவ முக தரிசனம் கிடைக்கிறதா என்று பார்ப்பான். சில சமயம் கிடைக்கும்போது அவளைப் பார்த்துச் சிரிப்பான். அவளும் சிரிப்பாள். அவன் சிரிப்பை அவ தப்பாக எடுத்துக்கொள்ளவில்லை.  அவளைத் திருமணம் செய்துகொள்ள நினைத்துக் கொண்டிருக்கிறான். அவளிடம் எப்போது சொல்ல வேண்டுமென்று யோசித்துக் கொண்டிருக்கிறான். பிள்ளையார் அனுமதி தர வேண்டும். ஒருநாள் அவன் பிள்ளையாரிடம் வந்து வேண்டிக் கொண்டிருக்கும் போது, மாலினியும் அங்கு வந்து வேண்டிக் கொண்டாள். அவளைப் பார்த்துப் புன்னகை செய்தான். அவளும்தான். அவள்தான் முதலில் பேசினாள் :  “ இந்தப் பிள்ளையார் சக்தி வாய்ந்த பிள்ளையார்.” ‘ஆமாம்’ என்று தலை ஆட்டினான். “நான் வேண்டியதை நிறைவேற்றி விட்டார்.” “என்ன வேண்டினிங்க.” “எங்க அலுவலகத்தில் பீட்டர் என்பவரைக் காதலிக்கிறேன். அவரிடம் என் விருப்பத்தைத் தெரிவித்தேன். இதோ எல்லோருடைய சம்மதத்துடன் எங்கள் திருமணம் நடக்கப் போகிறது.” பிள்ளையார் அவனை ஏமாற்றி விட்டார்.

மீனாட்சி அம்மன் கோயில் மேல கோபுர வாசல் தாண்டியதும், ஆடி வீதியில், மதில் ஓரத்தில்  அருள் புரிபவர்தான் பரீட்சை பிள்ளையார்.  இவர் தான் ஏழை மாணவர்களுக்குக் கண்கண்ட தெய்வம். பரீட்சை நேரத்தில் இவர் சந்தி முதல் அந்தி வரை வாய் மூடா விரதம் தான். மீதி நாட்களில் முப்போதும் பட்டினி தான். அவரும் தன் அன்னை மீனாட்சியிடம் வேண்டித்தான் இருந்தார். அன்று சோமு  தனது மனப்பாட பகுதியான விநாயகர் அகவலை அவர் முன் உட்கார்ந்து  மனனம் செய்ய முற்பட, சிறிதாகக் கூட்டம் கூடியது. ஒரு முதியவர், ” அப்பனே! அருமையாகச் சொல்கிறாய்!  கருத்துரையும் சொல்! கேட்போம்! என்றதும்” சோமுவும் தனக்குத் தெரிந்த அளவில் விநாயகர் அகவல் பற்றி விரிவுரை ஆற்ற,  கேட்டவர்கள், கைதட்டிப் பாராட்டினார்கள். “தம்பி நன்றாகச் சொல்கிறாய்!    . தினமும் ஏதேனும் சொற்பொழிவு செய். உனக்கு அது நல்ல பலன் தரும் என்று சொல்ல; சோமு தினமும் ஏதேனும் ஒரு பொருள் பற்றி அங்குச் சொற்பொழிவு  செய்யத் துவங்க. தினமும் சிறு பூஜையுடன்  “சொல்லின் செல்வன் ‘ திருவாளர் சோமநாதன் அவர்களின் சொற் பொழிவை இன்பமுடன் செவிகொள்கிறார்; பரீட்சை பிள்ளையார். 125

பாழடைந்த அந்தக் கோயிலின் மரக்கதவுகள் கிரீச் சப்தத்துடன்   திறக்கப் படுவதை எதிர்பார்த்துக் காத்திருந்தது போல் தனது தீர்க்கமான கண்களால் உற்றுப் பார்த்தார் விநாயகர். வருவது அவன்தான். நடுங்கும் உடலோடு  உள்ளே நுழைந்த அவனால் அவரின் பார்வையைத்  தாங்க முடியவில்லை. அவர் நெற்றியில் …

முகம் கழுவி பொட்டு இட வழக்கம்போல் ரகுவோட சிவப்பு மர பீரோ கதவிலிருக்கும் கண்ணாடியை பார்த்த உமா,  அங்கே கண்ணாடிக்கு பதில் பிள்ளையார் படத்தை பார்த்து வியந்தாள். “ டேய் ரகு..கண்ணாடி மேலே படத்த எதுக்கு ஒட்டியிருக்கே?” “ அம்மா ஏதோ …

குப்பன் ஒரு தீவிர பக்தர், கடவுளை நினைத்துத் தவம் இருந்தார். பல நாள் கழித்துக் கடவுள் அவர்முன்னே தோன்றினார். ‘பக்தா,உன் தவத்தை மெச்சினோம், என்ன வரம் வேண்டும், கேள்!’ குப்பனுக்கு உடம்பெல்லாம் பரவசம். கடவுளுக்கு ஒரு சாஷ்டாங்க நமஸ்காரம் செய்துவிட்டு, ‘நிறைய …

அந்த தெருக்கோடி பிள்ளையார் கோவிலுக்கு அன்றைக்குக் காலையில் பூசாரி வந்தபோது, சுவர் முழுவதும் குங்கும தீற்றல். வழக்கமாக அங்குப் படுத்திருக்கும் அந்த ஊமை பிச்சைக்காரி, அன்று அரைகுறை உடையோடு இருக்க, அவள் கைகள் முழுவதும் குங்குமக் கறையோடு மயங்கிக் கிடந்தாள். பூசாரி சொன்னதன் பேரில் அந்தத் தெரு பெண்கள் வந்து அவளுக்கு மாற்றுடை அளித்து, சைகை மொழியில் விசாரித்தனர். நடு இரவில் ஒரு காமுகனால் அவள் சீரழிக்கப்பட்டதாகத் தெரிவித்தாள். காவல்துறைக்கு தகவல் சொல்லப்பட்ட, காவலரும் வந்து சுற்றிலும் பார்த்துவிட்டு, “இங்கேயும் கணபதியா?” என்றார். “ஏன்?” ஒருத்தி கேட்க, காவலர் பதில் சொன்னார். “வரும் வழியில் மெயின் ரோட்டில ஒரு ரவுடி ரத்த வெள்ளத்தில் கிடந்தான். நான் கூட மூதல்ல ரவுடிகளுக்குள்ள வெட்டு, குத்தா இருக்குமென்று நினைச்சேன்” “பிறகு?” “அவனை யாரோ ஒரு லாரிக்காரன் அடிச்சிட்டு போயிட்டானாம். லாரி நம்பர் யாரும் கவனிக்கலையாம். ஆனா லாரி மேல கணபதினு பேரு மட்டும் தெரிஞ்சதாம்.” (104 வார்த்தைகள்)

குழந்தை வேலனுக்கு ஐந்து வயது. அன்று விநாயகர் சதுர்த்தி. வேலனின் அம்மா கொழுக்கட்டை, பொரி உருண்டை எல்லாம் செய்து சாமி முன்பு வைத்து விட்டு சாம்பிராணி போட தணல்எடுக்கப் போனாள்.வேலன் பூஜைஅறையில் இருந்தான்.வீட்டில் எப்பொழுதும் பழம் வைத்தால் கூட எலி தின்றுவிடும். …

சியாட்டிலிலிருந்து இந்த குக்கிராமத்துக் கோவிலுக்கு நான் வந்ததற்குக் காரணம் அப்பா. “சின்ன வயசுல பண்ணின தப்பு மனசை அரிச்சிக்கிட்டே இருக்கு. கிராமத்துச் சிவன் கோவில்ல ஸ்தம்ப விநாயகருக்கு நீ போய் அபிஷேகம் பண்ணி, வஸ்திரம் சாத்தி, அஞ்சு பௌன்ல தங்க சங்கிலி போட்டு விசேஷ பூஜைக்குக் கண்டிப்பா ஏற்பாடு பண்ணுவேனென்று சத்தியம் பண்ணு” சத்தியம் பண்ணினேன். ”ரொம்ப சக்திவாய்ந்த …

ஆற்றங்கரை பிள்ளையார் முன்.. “கஜானனம் பூத கணாதி சேவிதம்..” தலையில் குட்டிக் கொண்டு தோப்புக்கரணம் போட்ட பரத் தலையில் மழைச்சாரல். திடுக்கென்று எழுந்தவன்  எதிரில் செம்பில் தண்ணீருடன் நின்றிருந்தாள் வித்யா. “என்ன வித்யா நீ? நம்ம ஊர் ஆத்தங்கரை பிள்ளையார் கனவுல வந்தார்.  விபூதி வாங்கறதுக்குள்ள நீ எழுப்பி விட்டுட்டே” என்றவன் சட்டென்று யோசனையில் ஆழ்ந்தான். “என்ன பரத் யோசனை” “இல்ல.. பிள்ளையார் நெத்தியில  விபூதி பூசி வட்டமா சந்தனம் குங்குமம் வைக்கறதுதானே வழக்கம். ஆனா இன்னிக்கு குங்குமம்  கரைஞ்சு வழிஞ்ச மாதிரி.. வித்தியாசமா இருந்தது. இந்த மாதிரி யார் நெத்தியிலயோ பாத்திருக்கேன்.  ம்.. ம். ஆங்..! அப்பா இறந்தப்ப ஒரு வயசான பாட்டி இப்படித்தான் நெத்தியிருந்து குங்குமம் வழிய, முக்காடு போட்டுகிட்டு ஓரமா நின்னு அழுதுட்டு இருந்தாங்க. நம்ம சொந்தக்காரங்களான்னு கேக்கணும்னு நினைச்சு வேலை மும்முரத்தில் மறந்துட்டேன். இன்னைக்கு அதை ஞாபகப்படுத்தற மாதிரி வந்த கனவுல பிள்ளையார் என்ன சொல்ல நினைச்சிருப்பாரு..!”. கனவு தொடர்ந்திருந்தால்..! “அந்த வயசான பாட்டிதான் உங்கப்பாவைப் பெத்தவங்க. அவங்க மனநிலை சரியில்லாததால உன்னோட தாத்தா, குழந்தையையும் பிடுங்கிட்டு அவங்களை காப்பகத்துக்கு அனுப்பிட்டாருனு பிள்ளையார் சொல்லியிருப்பார்.” 127 வார்த்தைகள்

      ”  என்னாச்சுங்க,   அப்போதில்  இருந்து நம்  வீட்டு  வாசல்  பிள்ளையாரையே வைச்ச கண்டெடுக்காமல் பார்க்கறீங்க”  என்று கேட்டாள் சிவகாமி  தன் கணவன்  சங்கரனிடம்.       ” உனக்கு  நினைவிருக்கா?  அம்மா  எப்போதும்  சொல்வாங்க,  விநாயகர்  தான்  இருப்பதிலேயே எளிமையான  கடவுள். …

டில்லி அருகே அது ஒரு சின்ன ஊர். ஆனால் அந்த ஊர் கோயிலின் பிள்ளையார் மிக சக்தி வாய்ந்தவர். அதுமட்டுமா? “. டேய். கதிரேசா.இது அபூர்வ உலோகத்தில் ஆன பிள்ளையார் .6 கோடிக்கு விலை பேசியாச்சி ..இப்ப ராத்திரி11மணி.விடியறதுக்குள்ள ஆஸ்திரேலியாக்குநாம அனுப்பியாகணும் …

“ஏம்பா.. விநாயகா!திடீரென ஒரு நாளு என் கனவுல வந்தே.”  “செல்லம்மா..நீ பாதி நாளு பசியோட இருக்கே! அப்படின்னு சொன்னே.” “நம்ம உடம்புல உசுரு இருக்கற வரை உழைச்சு தான் சாப்பிடனும்னு இருக்கேன்னு சொன்னேன்.” “அப்போ என் கோவிலுக்கு தினமும் வந்து தண்ணீர் …

          பிள்ளையார் அரசமரத்தடியில் இருப்பார். பிளாட்களில் வாசலில் ஒரு பிள்ளையார் கோயில் மாதிரி அமைத்திருப்பார்கள். அம்மாதிரி ஒரு பிள்ளையார் இந்த முச்சந்தியில் இருந்தார். போவோர் வருவோர் பார்த்து கும்பிட்டு போவார்கள்.  யாரும் கவனிக்கவில்லை என்ற எண்ணம் பிள்ளையாருக்கு இல்லை. அந்த வழியாக …

குற்றாலம் சென்று, சிற்றருவி தாண்டி தேனருவி மற்றும் பாலருவி தாண்டி, குடுமி மலை சித்தரை பார்த்தார் கணபதி. “சாமி, வியாபாரம் இருபது வருடங்களாக நன்றாக சென்று கொண்டிருந்தது. தற்போது மோசமாகிக்கொண்டு வருகிறது. உபாயம் சொல்லுங்கள்.” “உன்னுடைய கடையின் பின்பக்கம் உள்ள சரக்கு …

காஞ்சனாவை அப்படி சட்டென்று பார்த்தது ராகினிக்கு ஒரு புறம் சந்தோஷமாக இருந்தாலும் இன்னொரு புறம் திக் என்று இருந்தது. பெங்களூர் இந்திரா நகர் மெட்ரோ ஸ்டேஷனில் இருந்து வெளியே வந்த ராகினி வேகமாகத் திரும்பிய போது எதிரில் கையில் குழந்தையுடன் வந்த …